Лінкі ўнівэрсальнага доступу

Папа рымскі Францішак заявіў, што каталіцкай царкве, якую ён узначальвае, ня варта выбіраць пажыцьцёвых лідэраў.

Ён лічыць, што пажыцьцёвы пантыфікат павышае для Ватыкану рызыку стаць падобным на дзяржаву з дыктатарскім рэжымам, паведамляе «BBC Украіна».

Раней 78-гадовы пантыфік ужо казаў, што гатовы зьняць зь сябе паўнамоцтвы ў выпадку праблем са здароўем.

Падчас выступу на плошчы Сьвятога Пятра перад 30 тысячамі каталікоў Францішак адзначыў, што адзіны, каго ў царкве нельга замяніць — гэта Сьвяты Дух.

Раней у інтэрвію мэксыканскаму тэлебачаньню папа сказаў, што не зьяўляецца прыхільнікам ўвядзеньня фіксаванага ўзросту, калі рымскія біскупы павінны пакідаць сьвяты пасад.

У лютым 2013 году папярэднік Францішка Бэнэдыкт XVI стаў першым за апошнія 600 гадоў папам, які добраахвотна склаў свае паўнамоцтвы.

Паказаць камэнтары

XS
SM
MD
LG