Лінкі ўнівэрсальнага доступу

Facebook набыў беларускі «Маскарад»


Generic - MSQRD application screenshots combo, 4Mar2016

Generic - MSQRD application screenshots combo, 4Mar2016

Сума, за якую купілі MSQRD, невядомая, але беларускія бізнэсоўцы нядаўна ацэньвалі кампанію ў 10-20 мільёнаў даляраў.

Беларуская кампанія Masquerade, аўтары мабільнай праграмы MSQRD, абвясьціла пра далучэньне да Facebook. Сума, за якую купілі кампанію, не называецца.

«У той час, як мы станем партнэрамі з Facebook, каб інтэграваць нашую тэхналёгію, праграма застанецца працаваць, каб вы маглі запісваць забаўныя сэлфі і працягвалі выкарыстоўваць прадукт. Таксама можаце чакаць, што мы дадамо новыя магчымасьці!» — пракамэнтаваў пакупку дырэктар кампаніі Яўген Неўгень.

Нядаўна хадзілі чуткі пра пакупку MSQRD кампаніяй Apple нібыта за 117 млн даляраў, але беларускія ІТ-бізнэсоўцы ацэньвалі «Маскарад» у 10-20 млн.

Праграма MSQRD, даступная для iPhone і iPad, а таксама ў бэта-вэрсіі для Android. Яна дазваляе ў рэальным часе замяняць на відэа твары людзей на маскі, прычым маскамі могуць быць твары рэальных людзей. Заходняя прэса зьвязвала посьпех праграмы з магчымасьцю скамбінаваць свой твар з тварам Леанарда ды Капрыё — такая магчымасьць зьявілася якраз напярэдадні таго, як актор атрымаў доўгачаканы «Оскар».

Паказаць камэнтары

XS
SM
MD
LG