Лінкі ўнівэрсальнага доступу

Макей: Прэзыдэнт вельмі любіць Колю і ня можа быць доўга безь яго


Міністар замежных спраў Уладзімер Макей не падзяляе думку, што Аляксандар Лукашэнка рыхтуе з малодшага сына Мікалая свайго наступніка. Пра гэта беларускі міністар заявіў у інтэрвію польскай штодзёнцы «Rzeczpospolita».

Коля, малодшы сын прэзыдэнта, будзе ягоным пераемнікам? — спытаўся журналіст.

— Я сустракаюся зь ім, хаця ня так і часта. Ён звычайны вучань, ходзіць у звычайную, можна сказаць, вясковую школу — сказаў Макей.

У адказ журналіст запярэчыў, што ня кожнае дзіця сустракаецца з прэзыдэнтам Абамам і Папам рымскім.

— Прэзыдэнт Беларусі часта езьдзіць з Колем, відаць, таму, што яго любіць і ня можа быць доўга безь яго. Але прэзыдэнт ужо казаў, што ён не хацеў бы, каб на яго дзяцей упала тая адказнасьць, якая ўпала на яго — заявіў міністар замежных справаў Беларусі Ўладзімер Макей.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG