Лінкі ўнівэрсальнага доступу

Менск наведае памочнік дзяржсакратара ЗША


Эрык Рубін, архіўнае фота

Эрык Рубін, архіўнае фота

У Менску 26–28 лютага зь візытам будзе знаходзіцца намесьнік памочніка Дзяржаўнага сакратара па справах Эўропы і Эўразіі Эрык Рубін.

Пра гэта паведамляе амбасада ЗША ў Беларусі.

Рубін правядзе шырокае кола сустрэч, у тым ліку з афіцыйнымі асобамі, уключаючы міністра замежных спраў Беларусі Ўладзімера Макея, з прадстаўнікамі дыпляматычнага корпусу, грамадзянскай супольнасьці, палітычнай апазыцыі, а таксама са сваякамі палітвязьняў.

У Менску Эрык Рубін мае вывучыць магчымасьць пашырэньня супрацоўніцтва зь Беларусьсю па пытаньнях, якія маюць узаемную цікавасьць — такіх, як барацьба з гандлем людзьмі, гандлёвыя адносіны і нераспаўсюджваньне, адзначае амбасада ЗША.

«Разам з тым ён падкрэсьліць даўнюю занепакоенасьць ЗША станам правоў чалавека і дэмакратыі ў Беларусі і неабходнасьць паляпшэньня сытуацыі ў гэтай галіне», — гаворыцца ў паведамленьні.

Мінулы раз Эрык Рубін наведваў Беларусь у чэрвені 2014 года.

Паказаць камэнтары

XS
SM
MD
LG