Лінкі ўнівэрсальнага доступу

Міліцыянта, які абражаў мову і форму, будуць правяраць (калі яшчэ ня звольнілі)


Тут і ніжэй фота са старонкі Васіля Варушчанкі «ЎКантаеце»
Тут і ніжэй фота са старонкі Васіля Варушчанкі «ЎКантаеце»

Карыстальнікі сацсетак зьвярнулі ўвагу на абразу беларускай мовы ад імя Васіля Варушчанкі з Гомелю.

Мяркуючы па ягонай старонцы «УКантакце» (асьцярожна, адрас старонкі нецэнзурны), мужчына служыць або служыў у міліцыі.

«Беларуская мова — гэта труп, які гніе і які ўжо даўно трэба было б закапаць глыбей!» — пісаў ён пад пастом з пытаньнем пра асноўную мову гамельчукоў.

На сваёй старонцы мужчына разьмяшчае незвычайныя здымкі ў міліцэйскай форме, лаецца матам, публікуе фота і відэа парнаграфічнага зьместу.

Намесьнік начальніка ўпраўленьня ідэалягічнай работы і кадравага забесьпячэньня Гомельскага аблвыканкаму Ўладзімер Сімянец у камэнтары Свабодзе сказаў, што ня ведае, ці зьяўляецца Васіль Варушчанка супрацоўнікам сыстэмы міністэрства. І дадаў:

«Калі ён зьяўляецца супрацоўнікам міліцыі, то да яго будуць ужытыя меры спагнаньня за зьнявагу формы супрацоўніка міліцыі, а таксама будзе дадзеная ацэнка ягонай любові ці нелюбові да беларускай мовы.

Я сам свабодна размаўляю па-беларуску, чытаю па-ўкраінску. У некаторых краінах ёсьць па некалькі дзяржаўных моў, і ніхто ня кажа, што адна зь іх мёртвая. Хутчэй за ўсё, гэта ня наш супрацоўнік, а Дэпартамэнту аховы. Таму ўсю інфармацыю я перадам кіраўніцтву, каб была праведзеная праверка».

Cтаршы інспэктар аддзяленьня інфармацыі і грамадзкіх сувязяў Дэпартамэнту аховы МУС Алена Гоман жа сьцьвярджае, што Варушчанка ўжо ня ёсьць супрацоўнікам органаў унутраных справаў:

«У 2013 годзе ён быў звольнены і ў дадзены момант не мае ніякага дачыненьня да Дэпартамэнту аховы», — перадае словы Гоман «Наша ніва». Ды выданьне зьвяртае ўвагу на тое, што Варушчанка публікаваў фота зь міліцэйскім пасьведчаньнем ужо ў 2015 годзе.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG