Лінкі ўнівэрсальнага доступу

Прэм’ер Літвы расказаў, навошта патрэбна новая сьцяна на мяжы з Расеяй


Саўлюс Сквярняліс
Саўлюс Сквярняліс

Заплянаваная пабудова загараджальнага плота на мяжы з Расеяй у першую чаргу забясьпечыць эканамічную бясьпеку Літвы, заявіў у панядзелак журналістам прэм’ер-міністар Саўлюс Сквярняліс, паведамляе РИА Новости.

Раней літоўскія мас-мэдыі паведамлялі, што ў сёлетнім дзяржаўным бюджэце краіны прадугледжаны 3,6 мільёна эўра на будаўніцтва загараджальнага плота на мяжы Літвы з Калінінградзкай вобласьцю.

«У нашай праграме ясна паказана — імкнуцца да таго, каб да 2020 году мяжа з Беларусьсю і Калінінградам была абаронена мадэрнізаванымі сродкамі бясьпекі. Гэта ў першую чаргу будзе гарантаваць нашу эканамічную бясьпеку. І кажучы пра нелегальную міграцыю, то і гэтыя пытаньні таксама будуць вырашаны», — сказаў Сквярняліс журналістам.

«Мы павінны забясьпечыць кантроль усходніх межаў Эўразьвязу», — дадаў ён.

Плянуецца, што плот будзе пабудаваны ад мястэчка Вішціціс (Вілкавішкаўскі раён), дзе мяжуюць Польшча, Літва і Расея, да Нёману. Сродкі масавай інфармацыі паведамлялі аб яго працягласьці ў 135 км, але ў нядзелю кіраўнік службы аховы дзяржаўнай мяжы Рэнатас Пожала ў этэры нацыянальнага радыё ўдакладніў, што на сухапутных адрэзках самага праблемнага ўчастку мяжы з Калінінградзкай вобласьцю «плянуецца пабудаваць загараджальныя платы працягласьцю 45 кілямэтраў». Ён дадаў, што гэта будзе «драцяны плот вышынёю 2,5 мэтра». Будаўніцтва заплянавана на вясну.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG