Лінкі ўнівэрсальнага доступу

10 ідэяў, як адзецца на Дзень Волі


Адзеньне брэнду LSTR

Адзеньне брэнду LSTR

Кожнае сьвята патрабуе адмысловы гардэроб: на Купальле шукаюць народныя строі, на Каляды і Новы год выцягваюць касьцюмы Дзедаў Марозаў і Сьвятых Мікалаяў, на Хэлоўін пераапранаюцца ў дэманаў і злыдняў.

Радыё Свабода сабрала 10 варыянтаў для сьвяточнага гардэробу на 25 сакавіка. Гэтыя рэчы змогуць прыдацца як пад час шэсьця, гэтаксама ў сяброўскай кампаніі ў бары за куфлем піва.

1. Інтэрнэт-крама «Stigmata Style»

Інтэрнэт-крама «Stigmata Style» адмыслова да Дня Волі выпусьціла саколкі і байкі зь вялікім гербам БНР.


Stigmata Style — гэта адна зь першы інтэрнэт-пляцовак у Беларусі, якая пачала прадаваць вопратку, посуд і розную сувэнірную прадукцыю зь беларускімі гістарычнымі сымбалямі, арнамэнтам ды знакавымі датамі для Беларусі.

Сярод прапановаў, якія зараз ёсьць на сайце, гэта саколкі «Асобны атрад БНР», байкі да 500-годзьдзя бітвы пад Воршай, з выявай Вітаўта Вялікага ды іншыя.


2. LSTR

Яшчэ адна папулярная інтэрнэт-крама, адзеньне якой будзе актуальным у Дзень Волі, гэта «LSTR Adzieńnie». За два гады працы брэнд выпусьціў дзясятак унікальных рэчаў ды задзейнічаў у сваіх фотасэтах усіх зорак альтэрнатыўнай музычнай сцэны Беларусі, ад Міхалка да Вольскага.

Крама прапануе саколкі, худзі, кашулі і сьвітшоты з разнастайнымі аўтарскімі «Пагонямі», некалькі відаў вышыванак, арнамэнт і крой для якіх распрацавала Наста Глушко.



3. Sakolka.by

Фэйсбук-крама «sakolka.by» да Дня Волі стварыла цэлы шэраг саколак, прысьвечаных БНР.

А для сваёй калекцыі саколак «Асобны атрад БНР — ІІ» дызайнэр Вадзім Пракопчык распрацаваў сваю філязофію, зь якой можна пазнаёміцца тут.



4. Symbal.by

Крама «symbal.by» прапануе 25 сакавіка адзець як клясычную саколку з «Пагоняй» Яўгена Куліка і Уладзіміра Крукоўскага, так і цішотку з ужо скандальнай «Вершніцай».

Некалькі дзён назад інтэрнэт-пляцоўка «symbal.by» аб’явіла пра адкрыцьцё офлайн-крамы ў менскім гандлёвым цэнтры «Маскоўска-Венскі», дзе прапануе сапраўдныя вышыванкі, вышымайкі, а таксама саколкі і байкі, якія будуць добра пасаваць да Дня Волі, з воклічамі «Жыве Беларусь» і «Люблю Беларусь».

5. Суколка Патрыёта

Крама «Суколка Патрыёта», акрамя вялікага выбару цішотак з калюмнамі, шасьціканцовым крыжом і «Пагоняю», прапануе стылёвыя бэйзболкі з нацыянальнымі сымбалямі.

6. Honar

Брэнд адзеньня «Honar» анансаваў, што ў красавіку адчыняе свой шоўрум і прэзэнтуе новую калекцыю.

А пакуль на Дзень Волі дзяўчаты і хлопцы могуць адзець нешта з ранейшых калекцыяў брэнду.

7. Працуй пільна

Малады менскі брэнд вулічнай вопраткі ды адзеньня «Працуй пільна» для ўсіх аматараў шэсьцяў і мітынгаў прапануе шапкі, швэдры і курткі са сваіх калекцый «Час адкрываць сябе» і «Калі вы ёсьць...»


8. Беларусам

Інтэрнэт-крама «Беларусам» спэцыялізуецца на вязаных шаліках, швэдрах, а цяпер і камізэльках. Засталося толькі выбраць — чырвоную ці белую, з Пагоняй ці арнамэнтам.

9. Традыцыйная вышыванка

Адзін з заклікаў пры падрыхтоўцы Дня Волі, які прагучаў упершыню ў гэтым годзе: «Надзяем вышыванкі, вышымайкі, народныя строі ці любое адзеньне з арнамэнтам. Выцягвайце прыгожыя вышыныя кашулі і спадніцы з бабульчыных куфраў, набывайце ў майстроў ці крамах. Мы маем традыцыі ды любім сваё. Нацыянальнае адзеньне вылучае і робіць нас адметнымі».

На сайце моўных курсаў «Мова нанова» зьявіўся сьпіс з 38 прапановамі дзе набыць ці замовіць вышыванку.

10. Свой малюнак

Калі хочацца быць адметным і ўнікальным, то можна раздрукаваць на саколцы ці байцы свой унікальны малюнак, плякат ці заклік.

Культурная пляцоўка «Арт Сядзіба» на сваім сайце апублікавала каталёг зь дзясяткам розных «Пагонь» у вэктары і растры, якія можна вольна пампаваць і выкарыстоўваць у любых мэтах.

XS
SM
MD
LG