Лінкі ўнівэрсальнага доступу

Лаўроў: такія, як Прылепін, хочуць «дапамагчы Ўкраіне наладзіць жыцьцё»


Міністар замежных справаў Расеі Сяргей Лаўроў
Міністар замежных справаў Расеі Сяргей Лаўроў

Міністар замежных справаў Расеі Сяргей Лаўроў лічыць, што такія людзі, як пісьменьнік Захар Прылепін, імкнуцца да таго, каб «дапамагчы ўкраінскай дзяржаве наладзіць нармальнае жыцьцё».

На прэс-канфэрэнцыі ў Маскве пасьля сустрэчы з кіраўніком МЗС Швэцыі Маргат Вальстрэм Лаўроў заявіў, што Ўкраіна адмовілася выпусьціць адмысловую заяву старшыні Рады Бясьпекі ААН у сувязі са сьмерцю расейскага прадстаўніка Віталя Чуркіна. Лаўроў заявіў, што паступаць так — «не па-хрысьціянску», і адзначыў, што ва Ўкраіне паступаюць пагрозы на адрас расейскіх грамадзянаў, «якія хочуць дапамагчы ўкраінскай дзяржаве наладзіць нармальнае жыцьцё». У якасьці прыкладу такіх грамадзянаў Лаўроў прывёў Прылепіна.

Пісьменьнік Прылепін актыўна падтрымлівае прарасейскіх сэпаратыстаў на ўсходзе Ўкраіны, а некалькі дзён таму заявіў, што зрабіўся «намесьнікам камандзіра» аднаго з падразьдзяленьняў сэпаратыстаў, атрымаўшы званьне «маёра» самаабвешчанай «ДНР». Ці прымаў Прылепін удзел у баявых дзеяньнях — незразумела, адразу пасьля сваёй заявы ён накіраваўся ў турнэ па Расеі з прэзэнтацыяй новай кнігі. На Украіне пісьменьніка абвясьцілі ў вышук. Нямецкае літаратурнае агенцтва Wiedling абвясьціла аб спыненьні супрацоўніцтва з Прылепіным.

Пастаянны прадстаўнік Расеі пры ААН Віталь Чуркін памёр у Нью-Ёрку ўчора — як паведамляецца, ад сардэчнага прыступу. Многія дыпляматы з розных краін, якія працавалі з Чуркіным у ААН, выказалі спачуваньні ў сувязі зь яго сьмерцю. Віталь Чуркін на пасяджэньнях Рады Бясьпекі абараняў палітыку Расеі ў дачыненьні да Ўкраіны — уключаючы анэксію Крыму і падтрымку сэпаратыстаў у Данецкай і Луганскай абласьцях.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG