Лінкі ўнівэрсальнага доступу

Дэпардзьё прыляцеў да Пуціна, каб сказаць, як любіць Расею?


Жэрар Дэпардзьё і Уладзімір Пуцін, 05 студзеня 2013

Жэрар Дэпардзьё і Уладзімір Пуцін, 05 студзеня 2013

Дэпардзьё падчас сустрэчы атрымаў ад Пуціна расейскі пашпарт. Таксама яны абмеркавалі выхад у расейскі пракат карціны пра Грыгорыя Распуціна, у якой Дэпардзьё сыграў галоўную ролю.

Францускі актор Жэрар Дэпардзьё на сустрэчы з прэзыдэнтам Расеі Уладзімірам Пуціным у Сочы атрымаў расейскі пашпарт, паведамляе прэс-служба прэзыдэнта Расеі.

Дэпардзье прыбыў у Сочы 5 студзеня чартэрным рэйсам. Расейскае грамадзянства яму было дадзенае 3 студзеня. Пяскоў растлумачыў, што гэта было зьвязана з буйным унёскам актора ў разьвіцьцё расейскага кінематографа.

Пуцін сустрэўся з Дэпардзьё ўвечары 5 студзеня. Сустрэча Пуціна і Дэпардзьё была кароткай. Падчас яе прэзыдэнт Расіі і францускі актор абмеркавалі ў тым ліку выхад у расейскі пракат карціны пра Грыгорыя Распуціна, у якой Дэпардзьё сыграў галоўную ролю.

Пра тое, што Дэпардзьё зьбіраецца адмовіцца ад францускага грамадзянства, стала вядома ў сьнежні 2012 году — пасьля таго, як актор перабраўся на сталае месца жыхарства ў Бэльгію. Рашэньне Дэпардзьё зьмяніць грамадзянства прэса зьвязвала з 75-працэнтным падаткам на гадавы прыбытак, які перавышае мільён эўра, які прапанаваў ўвесьці прэзыдэнт Франсуа Алянд. Пазьней тлумачылася, што актор вырашыў пакінуць Францыю з-за «агідных» сродкаў масавай інфармацыі, якія нападаюць на пасьпяховых і ініцыятыўных людзей, паведамляе РИА Новости.

Камэнтуючы навіну аб атрыманьні расейскага грамадзянства, Дэпардзьё заявіў, што вельмі рады гэтаму, бо зьяўляецца прыхільнікам рускай культуры і ладу мысьленьня. Ён таксама адзначыў, што любіць прэзыдэнта Расеі Уладзіміра Пуціна, і гэта ўзаемна. Расею актор назваў «краінай вялікай дэмакратыі». Ён паведаміў, што зьбіраецца вучыць расейскую мову і разглядае ў якасьці месца пражываньня ня толькі Маскву, якая зьяўляецца для яго занадта буйным мэгаполісам.

XS
SM
MD
LG