Лінкі ўнівэрсальнага доступу

Жэрар Дэпардзьё прыняў расейскае грамадзянства


Жэрар Дэпардзьё атрымлівае "Залаты Глёбус" за ролю ў фільме "Від на жыхарства".
Жэрар Дэпардзьё атрымлівае "Залаты Глёбус" за ролю ў фільме "Від на жыхарства".

Прэзыдэнт Расеі Ўладзімер Пуцін падпісаў указ аб наданьні грамадзянства Расеі актору Жэрару Дэпардзьё. Пра гэта паведамляецца --> http://президент.рф/%D0%B4%D0%BE%D0%BA%D1%83%D0%BC%D0%B5%D0%BD%D1%82%D1%8B/17275 на афіцыйным сайце прэзыдэнта Расеі.

«У адпаведнасьці з пунктам „а“ артыкулу 89 Канстытуцыі Расейскай Фэдэрацыі задаволіць заяву аб прыёме ў грамадзянства Расейскай Фэдэрацыі Дэпардзьё Жэрара Ксаўе, які нарадзіўся ў 1948 годзе ў Францыі», — гаворыцца ў паведамленьні.

Раней на вялікай прэс-канфэрэнцыі Пуцін распавёў аб сытуацыі з Жэрарам Дэпардзьё, якому прэзыдэнт нібыта даслаў расейскі пашпарт. Пуцін заявіў, што мае «добрыя, сяброўскія асабістыя дачыненьні» з акторам і «калі Жэрар Дэпардзьё сапраўды хоча мець від на жыхарства ў Расіі ці расійскі пашпарт, то будзем лічыць, што гэтае пытаньне вырашана».

Выданьне Le Monde паведамляла, што актор акрамя Бэльгіі, дзе ён ужо купіў нерухомасьць, разглядае таксама магчымасьць перабрацца ў Расею ці ў Чарнагорыю.

Пра гэта паведамляе Gazeta.ru

У нядзелю Дэпардзьё заявіў, што не застанецца ў Францыі, нягледзячы на адмену Канстытуцыйнай радай падатку на раскошу памерам 75 працэнтаў.

Прэзыдэнт Францыі Франсуа Алянд пасьля рашэньня Канстытуцыйнай Рады заявіў, што будзе далей дамагацца прыняцьця падатку на раскошу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG