Лінкі ўнівэрсальнага доступу

У Магілёве пісалі дыктоўку зь «Сена на асфальце» Стральцова


Belarus - 10th National Dictation in Mahilyou, 20Feb2017
Belarus - 10th National Dictation in Mahilyou, 20Feb2017

На імпрэзу да Дня роднай мовы, арганізаваную магілёўскімі актывістамі Таварыства беларускай мовы, у палац вобласьці прыйшлі каля сотні чалавек.

Апошнія некалькі гадоў у Магілёве для дыктовак арганізатары выбіраюць творы літаратараў, якія нарадзіліся на Магілёўшчыне. Беларускую дыктоўку паводле твора Міхася Стральцова «Сена на асфальце» напісалі 19 лютага магілёўцы. Сёлета ў Стральцова 80-гадовы юбілей. Ягонае славутае эсэ пра адчуваньні вяскоўца, які пераехаў у горад, і стала матэрыялам для ахвотнікаў спраўдзіць веданьне беларускай мовы.

«Сёлета не было шырокага анансаваньня дыктоўкі, але сабралася на яе поўная заля. Гэта зьдзівіла. Яшчэ адна адметнасьць, што разам з намі сёлета ў арганізацыі дыктоўкі браў удзел Саюз пісьменьнікаў Беларусі. Яны самі прапанавалі дапамогу», — адзначыў кіраўнік гарадзкой арганізацыі ТБМ Алег Дзьячкоў.

Ганна Бандарэнка
Ганна Бандарэнка

Дыктавала фрагмэнт твору Стральцова настаўніца Ганна Бандарэнка. Пэдагог ад першай дыктоўкі ТБМ нязьменна «экзамэнуе» рупліўцаў беларушчыны.

Пісаў пад дыктоўку і кіраўнік культурна-асьветніцкага абʼяднаньня ўкраінцаў Магілёва Генадзь Гузій. Ён вітаў тых, хто прыйшоў.

Пісала сёлетнюю дыктоўку і супрацоўніца галоўнага ўпраўленьня ідэалягічнай працы Магілёўскага аблвыканкаму Іна Багамазава. Летась вітаў удзельнікаў імпрэзы начальнік гэтага ўпраўленьня Андрэй Кунцэвіч.

Віталі тых, хто прыйшоў на дыктоўку, і вучні беларускамоўнай клясы: Эвеліна Самойленка, Тацяна Турандзіна, Улада Грыцава

Вучаніцы беларускай клясы таксама прыйшлі на дыктант. Зьлева направа: Эвеліна Самойленка, Тацяна Турандзіна, Улада Грыцава
Вучаніцы беларускай клясы таксама прыйшлі на дыктант. Зьлева направа: Эвеліна Самойленка, Тацяна Турандзіна, Улада Грыцава

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG