Лінкі ўнівэрсальнага доступу

Рэкс Тылерсан — новы галоўны кандыдат на пасаду дзяржсакратара ЗША


Рэкс Тылерсан
Рэкс Тылерсан

У ЗША зьявіўся новы галоўны прэтэндэнт на пасаду дзяржаўнага сакратара.

Абраны прэзыдэнт ЗША рэспубліканец Дональд Трамп разглядае кандыдатуру генэральнага дырэктара нафтавай кампаніі Exxon Mobil Рэкса Тылерсана.

Пра гэта паведамілі агенцтва Reuters і газета Wall Street Journal са спасылкай на памочнікаў Трампа.

Тылерсан вядомы як праціўнік санкцый у дачыненьні да Расеі, з-за якіх канцэрн Exxon Mobil, які стварыў з «Раснафтай» супольнае прадпрыемства, страціў ня менш за мільярд даляраў. (У 2013 годзе прэзыдэнт Расеі Ўладзімір Пуцін узнагародзіў Тылерсана ордэнам Дружбы народаў.)

Застаюцца яшчэ тры прэтэндэнты на пасаду кіраўніка амэрыканскага зьнешнепалітычнага ведамства: былы дырэктар ЦРУ Дэйвід Пэтрэўс, былы кандыдат у прэзыдэнты ЗША Міт Ромні, былы прадстаўнік ЗША пры ААН Джон Болтан.

9 сьнежня стала вядома, што экс-мэр Нью-Ёрку Рудольф Джуліяні выбыў зь ліку кандыдатаў на пасаду дзяржсакратара.

Чакаецца, што Трамп абвесьціць пра новае прызначэньне на будучым тыдні.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG