Лінкі ўнівэрсальнага доступу

Шымон Пэрэс пасьля сьмерці стаў донарам органаў


Былы прэзыдэнт і прэм’ер-міністар Ізраілю Шымон Пэрэс, які мапёр у ноч на 28 верасьня, стаў донарам органаў пасьмяротна, паведамляе The Jerusalem Post.

На просьбу самога Пэрэса, рагавіца яго вачэй была перададзена ў Нацыянальны трансплянтацыйны цэнтар.

Палітык памёр у сераду раніцай у лякарні пад Тэль-Авівам, дзе ён знаходзіўся пасьля перанесенага два тыдні таму інсульту. Лекары ўвялі яго ў мэдыкамэнтозную кому і падключылі да апарата штучнай вэнтыляцыі лёгкіх. Спачуваньні ў сувязі са сьмерцю выказалі прэзыдэнт ЗША Барак Абама і эўрапейскія лідэры.

Пэрэс быў прэзыдэнтам Ізраілю з 2007 па 2014 год. У 1994 годзе сумесна палітык быў уганараваны Нобэлеўскай прэміяй міру.

Сямён Перскi (такім было імя і прозьвішча Шымона Пэрэса да эміграцыі ў Палестыну) нарадзіўся ў 1923 годзе ў Вішневе на Валожыншчыне, у 1934 годзе разам зь сям’ёй пераехаў у Палестыну і зрабіў дзяржаўную кар’еру ў Ізраілі. Ён наведваў сваю родную вёску чатыры разы. Але сваякоў прэзыдэнта там больш няма — амаль усё габрэйскае насельніцтва было зьнішчана ў 1942 годзе.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG