Сувязь зь Беларусьсю
Як паведаміў Свабодзе сам Рашэтнікаў, ягоная маці нарадзілася ў Горадні.
«Я часта наведваю Беларусь, апошнім разам прыяжджаў летась», — сказаў адстаўны генэрал-лейтэнант.
Атрымаў узнагароду ад «прэзыдэнта ПМР»
У 2011 годзе атрымаў мэдаль ад кіраўніка непрызнанай «Прыднястроўскай Малдаўскай рэспублікі» за «умацаваньне супрацоўніцтва паміж ПМР і Расеяй». Зьяўляецца ганаровым прафэсарам Прыднястроўскага ўнівэрсытэту, аднак выкладчыцкай дзейнасьцю не займаўся. Таксама мае ўзнагароды ад «Рэспублікі Сербскай».
Выступае за замацаваньне ролі праваслаўя ў Канстытуцыі РФ
Нягледзячы на тое, што Расея зьяўляецца шматнацыянальнай і шматканфэсійнай дзяржавай, Рашэтнікаў лічыць неабходным узгадаць ролю праваслаўя ў канстытуцыі сваёй краіны. З такой заявай генэрал-лейтэнант выступіў у інтэрвію для рэсурсу pravoslavie.ru.
Быў узнагароджаны ордэнам Мужнасьці
Звычайна ў Расеі гэты ордэн даюць за выратаваньне людзей падчас стыхійных бедзтваў, барацьбу з арганізаванай злачыннасьцю, выключную сьмеласьць пры выкананьні службовых абавязкаў, спалучаную з рызыкай для жыцьця. Ордэнам былі ўзнагароджаныя некаторыя ўдзельнікі лякальных канфліктаў, пачынаючы з 1994 году (Чачня, Косава ды інш.)
Нарадзіўся ў Харкаве, але адмаўляе існаваньне Ўкраіны
«Украіна – гэта Расея, акрамя заходняй часткі, дзе шмат асаблівасьцяў», — заявіў Рашэтнікаў летась у інтэрвію «Камсамольскай праўдзе». Паводле Рашэтнікава, ва ўкраінскай літаратуры ніколі не было клясыкаў, а Леся Украінка ці Іван Франко – «пачаткоўцы, якія спрабавалі нешта ствараць на маларасійскай мове».
