Лінкі ўнівэрсальнага доступу

Рэйтынг Лукашэнкі падвысіўся, Статкевіч — другі паводле рэйтынгу


Базаваны ў Літве Незалежны інстытут сацыяльна-эканамічных і палітычных дасьледаваньняў (НІСЭПД) абнародаваў дадзеныя агульнанацыянальнага апытаньня, праведзенага ў Беларусі ў чэрвені 2015 году. Прапануем вашай увазе некаторыя зь іх.

Рэйтынгі беларускіх палітыкаў

Калі б прэзыдэнцкія выбары былі б заўтра, за каго б Вы прагаласавалі, у %

сакавік 2015

чэрвень 2015

Аляксандар Лукашэнка

34,2

38,6

Мікалай Статкевіч

4,5

5

Уладзімер Някляеў

7,6

4,7

Анатоль Лябедзька

2,9

4,2

Сяргей Гайдукевіч

1,1

3,9

Сяргей Калякін

1,6

3,1

Аляксандар Прушынскі

1,6

Тацяна Караткевіч

1,1

Выбары

Гатовасьць галасаваць на прэзыдэнцкіх выбарах 2015 году выказаў 71.1% апытаных (34.7% — «пэўна пайду галасаваць» і 36.7% «хутчэй пайду галасаваць»), нежаданьне галасаваць — 22.1% (17.3% — «хутчэй не пайду галасаваць» і 4.8% — «пэўна не пайду галасаваць»).

Ацэнкі замежных лідэраў

Ацэньваючы дзейнасьць замежных дзяржаўных лідэраў, на першае месца беларусы паставілі прэзыдэнта Расеі Ўладзіміра Пуціна (60% станоўчых ацэнак і 20.3% адмоўных), на другое — прэзыдэнта Казахстану Нурсултана Назарбаева (43.7% vs. 23.8%), на трэцяе — старшыню КНР Сі Цзіньпіна (35.4% vs. 24.2%), на чацьвёртае — канцлера Нямеччыны Ангелу Мэркель (34.6% vs. 32%). Найгоршыя ацэнкі атрымалі прэзыдэнт ЗША Барак Абама (13.5% vs. 59.1%) і прэзыдэнт Украіны Пятро Парашэнка (10.1% vs. 67%).

Беларусы і «рускі сьвет»

Да ідэі «рускага сьвету» станоўча ставяцца амаль 39% апытаных, абыякава 39.4%, і адмоўна — 15.2%.

62.3% рэспандэнтаў ацанілі далучэньне Крыму да Расеі як «вяртаньне рускіх земляў, аднаўленьне гістарычнай справядлівасьці», 21.5% — як «імпэрыялістычны захоп, акупацыю».

90% рэгулярна або часам глядзяць навінныя праграмы расейскага тэлебачаньня, на думку 12.1% падзеі выкладаюцца ў іх цалкам аб’ектыўна, 47.8% мяркуюць, што збольшага аб’ектыўна, 20% — што збольшага неаб’ектыўна, 6% — што цалкам неаб’ектыўна.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG