Лінкі ўнівэрсальнага доступу

МВФ прагназуе: Беларусь сёлета страціць палову свайго золата


Міжнародны валютны фонд лічыць, што эканамічная сытуацыя ў Беларусі будзе пагаршацца і заклікае ўрад краіны да правядзеньня рэформаў.

У МВФ адзначаюць, што Беларусь застаецца ўразьлівай перад эканамічнымі ўзрушэньнямі. Сытуацыю таксама ўскладняе эканамічны крызіс у «найбуйнейшага гандлёвага партнэра» Беларусі — Расеі.

Як адзначаецца ў прэс-рэлізе, прысьвечаным чарговаму гадавому агляду беларускай эканомікі, спад ВУП складзе ў 2015 годзе парадку 2,3%, дэфіцыт бягучага рахунку захаваецца на ўзроўні 7% ВУП, інфляцыя складзе 22%. Золатавалютныя рэзэрвы Беларусі скароцяцца да 2,5 млрд. даляраў (на пачатак году ЗВР складалі амаль 5,1 млрд., на сёньня — 4,5 млрд.).

У МВФ канстатуюць цікавасьць кіраўніцтва Беларусі да новай крэдытнай праграмы фонду, аднак адзначаюць, што краіна павінна прадэманстраваць цьвёрдую прыхільнасьць на самым высокім узроўні да комплекснага пакету глыбокіх структурных рэформаў і пасьлядоўнай макраэканамічнай палітыкі.

МВФ таксама заклікаў Нацбанк Беларусі выйсьці зь ліку акцыянэраў Банку Масква-Менск. «Нацыянальнаму банку Беларусі варта як мага хутчэй вывесьці свае актывы з Банку Масква-Менск з-за канфлікту інтарэсаў, які ўзьнікае пры знаходжаньні банку ва ўласнасьці ў кантралюючага органа», — адзначаюць у фондзе.

Нацбанк выкупіў 99,75% акцый Банку Масква-Менск восеньню мінулага году. Галоўным бухгалтарам Банку Масква-Менск зьяўляецца жонка сёньняшняга кіраўніка Нацбанку Паўла КалавураЛарыса Калавур. Праўда, сама зьдзелка адбылася, калі Нацбанкам кіравала яшчэ Надзея Ермакова.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG