Лінкі ўнівэрсальнага доступу

Канцэрт Вайцюшкевіча адмянілі празь «непераадольныя перашкоды»


Зьміцер Вайцюшкевіч
Зьміцер Вайцюшкевіч

Канцэрт сьпевака Зьмітра Вайцюшкевіча ў суправаджэньні WZ-orkiestra плянавалася правесьці 8 студзеня ў менскай КЗ «Атлант». Пасьля дазволу ўладаў арганізатары распачалі продаж квіткоў.

Аднак 7 сьнежня продаж квіткоў быў спынены, а ў афішы зьявілася пазнака «Адмена». Як паведаміў tuzin.fm арганізатар канцэрту Вячаслаў Гулевіч, ім было нечакана адмоўлена ў арэндзе пляцоўкі, нягледзячы на папярэднюю дамоўленасьць і наяўнасьць гастрольнага пасьведчаньня.

У дырэкцыі КЗ «Атлант» патлумачылі, што ў іх зьявіліся «непераадольныя перашкоды» — завод «Атлант» ідзе на зімовыя вакацыі ажно да 16 студзеня 2017 году. Таму абслужыць гэтае мерапрыемства не ўяўляецца магчымым.

Ад 2010 году Зьміцер Вайцюшкевіч пазбаўлены магчымасьці легальна выступаць у Беларусі. Яго канцэрты зрываюцца з розных прычынаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG