Сьвяткаваньне праходзіць на трох пляцоўках. Аргкамітэт Беларускага Народнага Фронту за перабудову «Адраджэньне» быў створаны 19 кастрычніка 1988 году на сходзе ў Чырвоным касьцёле ў Менску.
Аб 11-й гадзіне ў майстэрні мастака Аляксея Марачкіна сабраліся сябры гістрарычнага аргкамітэту БНФ, якія былі заснавальнікамі арганізацыі роўна 25 гадоў таму. Свабода вяла жывую відэатрансьляцыю з гэтай падзеі.
У парадку дня юбілейнага паседжаньня Сойму Партыі БНФ ня толькі сьвяточныя, але і працоўныя пытаньні:
1. Аб палітычнай сытуацыі
2. Аб кааліцыйным будаўніцтве
3. Падрыхтоўка да мясцовых выбараў у сьвятле зьменаў у выбарчым заканадаўстве.
4. Аб ушанаваньні памяці Віктара Івашкевіча.
5. Плянаваньне восеньскіх акцый (Дзяды, угодкі Слуцкага Збройнага Чыну).
11:3219.10.2013
Адзін з заснавальнікаў Беларускага Народнага Фронту Вінцук Вячорка распавёў Радыё Свабода пра мэты сёньняшняга сьвяткаваньня:
«Сёньня ў Менску роўна ў 25-ую гадавіну гістарычнай падзеі сабраўся той гістарычны аргкамітэт. На жаль, палова адышла ў лепшы сьвет. Сабраліся, каб узгадаць тыя падзеі. Нам ёсьць чым ганарыцца: Беларусь стала незалежнай дзяржавай. Мэта — надаць самім сабе і грамадзтву ў цэлым адпаведны імпульс. Ідэя свабоднай незалеженай Беларусі да канца ня зьдзесьненая, місія недавыкананая. Людзям, якія стаяць на каштоўнасьцях таго самага Народнага Фронту, трэба яднацца»
Перад пачаткам паседжаньня юбілейнага Сойма старшыня Партыі БНФ Аляксей Янукевіч распаўсюдзіў «Юбілейны зварот з нагоды 25-годьдзя ўтварэньня Аргкамітэту БНФ».
Сойм пачалі з ушанаваньня памяці Віктара Івашкевіча і іншых сябраў БНФ, якія шмат сілаў аддалі арганізацыі і нацыянальнаму адраджэньню і заўчасна сышлі з жыцьця.
Сябры Сойму пагадзіліся з прапановай, якая прагучала з вуснаў Лявона Баршчэўскага, аб аб’яднаўчым зьезьдзе БНФ – у “Розным”.
11:4219.10.2013
Пачалося адзначэньне гадавіны БНФ у майстэрні Аляксея Марачкіна. Ушанавалі памяць фронтаўцаў, якія памерлі. Марачкін паказаў свае карціны, прысьвечаныя БНФ. Вінцук Вячорка распавёў пра каштоўнасьці і ідэалы БНФ.
Аляксей Марачкін праводзіць экскурсію на сваёй майстэрні, паказвае карціну, якая пішацца 25 гадоў. Карціна пра БНФ
11:4519.10.2013
Алег Трусаў сказаў, што вельмі сымбалічнае вызваленьне сёньня Паўла Севярынца. Таксама прапанаваў ахвяраваць грошы на помнік Галіне Сямдзянавай. «Усе мы разам, і пакуль хоць адзін сябра аргкамітэту будзе жывы — гэтая ідэя будзе жыць далей» — сказаў Трусаў
Старшыня Партыі БНФ Аляксей Янукевіч у сваім дакладзе на Сойме заявіў:
«Вельмі шмат якія тэмы, якія аргкамітэт БНФ уздымаў 25 гадоў таму, застаюцца актуальнымі і цяпер. Нашае змаганьне працягваецца. Не ўспаміны і роспач аб стратах павінны кіраваць намі, а накіраванасьць у будучыню, пошук таго, ш
Янукевіч таксама заклікаў працягваць кампанію супраць разьмяшчэньня ў Беларусі расейскай вайсковай базы:
«Адна справа гандляваць з Расеяй, іншая мець тут расейскую вайсковую базу, станавіцца мішэньню ў патэнцыйным канфлікце».
Паводле старшыні БНФ, аб гэтым трэба працягваць весьці гаворку пад час мясцовых выбараў, якія Янукевіч заклікаў для таго, каб мець камунікацыю з грамадзтвам.
Янукевіч зазначыў, што ў цяперашніх эканамічных умовах чарговая дэвальвацыя непазьбежная, таксама як і рост коштаў, што не дадасьць падтрымкі ўладзе:
«Можа гэта ня будзе ствараць сытуацыю моцнай напружанасьці, але выкліча незадавальненьне палітыкай, якую праводзіць урад. БНФ павінен прадэманстраваць альтэрнатыву беларускаму грамадзтву, паказаць, якім чынам можна зрабіць жыцьцё лепшым пры іншай уладзе».
Паводле Янукевіча, ідэальным варыянтам было б аб’яднаньне усіх нацыянальна-дэмакратычных сілаў, але пакуль не гэта атрымліваецца, БНФ працягвае працаваць у рамках кааліцыі «Народны рэфэрэндум».
У гэты ж час працягваецца Сойм Партыі БНФ. Старшыня Аляксей Янукевіч у сваім дакладзе на Сойме заявіў:
«Вельмі шмат якія тэмы, якія аргкамітэт БНФ уздымаў 25 гадоў таму, застаюцца актуальнымі і цяпер. Нашае змаганьне працягваецца. Не ўспаміны і роспач аб стратах павінны кіраваць намі, а накіраванасьць у будучыню, пошук таго, што можам і мусім зрабіць, каб рэалізаваць ідэалы бацькоў-заснавальнікаў БНФ». Да падзеяў, якія будуць уплываць на лёс будучыні Беларусі, Янукевіч аднёс нядаўнія беларуска-расейскія вайсковыя вучэньні, якія насілі маштабны характар:
«Нашыя вайскоўцы зноў могуць гінуць за чужыя інтарэсы, гэты сцэнар вельмі турбуе нас, але грамадзтва яшчэ не ўсьведамляе, у якія пагрозы нас уцягваюць. Крэмль імкнецца ўцягнуць Беларусь у свае сцэнары аднаўленьня расейскай імпэрыі. Лукашэнка праводзіць палітыку здачы нашай дзяржаўнасьці і ўцягваньня ў расейскія інтэграцыйныя інтарэсы. У 2015 годзе Крэмль зьбіраецца запусьціць праект Эўразійскага саюза, гэта будзе і год выбараў у Белаурсі. Нашачя задача стварыць сытуацыю ціску ў грамадзкасьці, каб быў у грамадзтве кансэнсус, што ўваходжаньне Беларусі ў гэты саюз непрымальнае».
Янукевіч таксама заклікаў працягваць кампанію супраць разьмяшчэньня ў Беларусі расейскай вайсковай базы: «Адна справа гандляваць з Расеяй, іншая мець тут расейскую вайсковую базу, станавіцца мішэньню ў патэнцыйным канфлікце». Паводле старшыні БНФ, аб гэтым трэба працягваць весьці гаворку пад час мясцовых выбараў, якія Янукевіч заклікаў для таго, каб мець камунікацыю з грамадзтвам. Янукевіч зазначыў, што ў цяперашніх эканамічных умовах чарговая дэвальвацыя непазьбежная, таксама як і рост коштаў, што не дадасьць падтрымкі ўладзе:
«Можа гэта ня будзе ствараць сытуацыю моцнай напружанасьці, але выкліча незадавальненьне палітыкай, якую праводзіць урад. БНФ павінен прадэманстраваць альтэрнатыву беларускаму грамадзтву, паказаць, якім чынам можна зрабіць жыцьцё лепшым пры іншай уладзе». Паводле Янукевіча, ідэальным варыянтам было б аб’яднаньне усіх нацыянальна-дэмакратычных сілаў, але пакуль гэта не атрымліваецца, БНФ працягвае працаваць у рамках кааліцыі «Народны рэфэрэндум».
Кіраўніцтва БНФ прапанавала 5 пытаньняў для рэфэрэндума, якія набралі найбольшую колькасьць галасоў пад час апытаньня. Гэтыя пытаньні будуць перададзеныя калегам па кааліцыі. Сярод іх пытаньні
Пра наўпростыя выбары мэраў і кіраўнікоў мясцовай улады
Пра забарону замежных вайсковых базаў у Беларусі
Пра вяртаньне да двух тэрмінаў прэзыдэнцтва для адной асобы
Пра эўрапейскі выбар інтэграцыі Беларусі
Пра зьмены ў Канстытуцыі аб вяршэнстве законаў над дэкрэтамі прэзыдэнта.
«Дзякуючы дзейнасьці моладзевых арганізацыяў рыхтавалася глеба для абвяшчэньня незалежнай сувэрэннай Беларусі» — заявіў Валянцін Мазец напрыканцы свайго дакладу пра гісторыю БНФ.
Валянцен Мазец распавядае пра нядаўна рассакрэчаныя ў дзяржаўных архівах факты пра дзейнасьці нефармальных моладзевых суполак пры канцы 80-х
Удзельнікі сьвяткаваньня вітаюць прысутных сяброў гістарычнага аргкамітэту БНФ аплядысмэнтамі. Цікава таксама тое, што ўдзел у сьвяткаваньні бяруць як прыхільнікі Зянона Пазьняка, так і тыя, хто падтрымліваў Вячорку ці Баршчэўскага
Лявон Баршчэўскі зацытаваў верш Рыгора Барадуліна, які ён прысьвяціў 25-м угодкам Беларускага Народнага Фронту
Беларускі Народны Фронт,
Твой крок
Чулі высі,
Чакалі долы.
Рассыпаўся ўзброены змрок.
Бел-чырвона-белы, вясёлы
Сьцяг сьвітаньня
Вёў у прасьцяг,
Злы загон
Капыціла «Пагоня».
Мусіць быць
У пачатка працяг.
Толькі заўтраму верыць сёньня.
Меч гартуецца ў барацьбе
Жыцьме той, хто на подзьвіг клікаў.
БНФ, гадавалі цябе
І Зянон,
І вялікі Быкаў!
Сойм Партыі БНФ. Аляксей Янукевіч заклікаў выказаць стаўленьне Партыі БНФ да кааліцыі «Талака». Сам ён выказаў станоўчую ацэнку, бо стварылася яшчэ адна пляцоўка для дыялёгу, і выказаў гатовасьць да супрацоўніцтва, калі ў «Талакі» паўстане нейкі свой плян дзеяньняў.
«Гэта аблягчае магчымасьць выхаду на адзінага кандыдата ў 2015 годзе, калі зьявіліся дзьве кааліцыйныя пляцоўкі. У пэрспэктыве можа быць утвораная пляцоўка для дыскусіі і выхаду на адзінага кандыдата. Гэта было б нашым прыярытэтам у кампаніі 2015 года, гэта дало б нам больш магчымасьцяў у змаганьні за нашыя каштоўнасьці і зьмены сытуацыі ў краіне».
Свой даклад Янукевіч завяршыў згадкай падзей 1988 года:
«Як і 25 гадоў таму, сытуацыя выглядае складана і можа быць безнадзейна, але ў 1988 годзе існаваў СССР і цяжка верылася, што неўзабаве нас чакаюць такія кардынальныя зьмены. Мы і цяпер павінны натхняцца тым, чым натхняліся стваральнікі БНФ у 1988 годзе».
Гісторык Уладзімер Ляхоўскі распавядае, як прыйшоў у нацыянальны рух
Гісторык Уладзімер Ляхоўскі распавёў пра сваё сталеньне, пра тое, як ён пераўтварыўся хлопца з Заводзкага раёну ў дасьведчанага беларускага гісторыка. Таксама адзначыў важнасьць ідэяў БНФ на этапе станаўленьня незалежнасьці Беларусі і цяпер: «Цяпер толькі ідэі БНФ могуць мабілізаваць людзей і зьмяніць краіну да лепшага»
