Лінкі ўнівэрсальнага доступу

Былы мэнэджэр «Дынама» Беражкоў памяняў клюб, яго запрасіў на працу старшыня КДБ


Уладзімер Беражкоў, архіўнае фота
Уладзімер Беражкоў, архіўнае фота

Былы генэральны мэнэджэр хакейнага клюбу «Дынама» Ўладзімер Беражкоў уладкаваўся ў Беларускі клюб біятлёну на ўмовах дамовы падраду.

Прапанаваў яму працу кіраўнік Беларускай фэдэрацыі біятлёну, старшыня КДБ Валеры Вакульчык.

Беражкоў распавёў «Прессболу», што старшыня фэдэрацыі абазначыў шэраг задач, у тым ліку стратэгічных, пэрспэктыўных, актуальных.

«У ліку, напрыклад, самых бліжэйшых — адзін сурʼёзны стартап. Гэта стварэньне ў Беларусі ўнікальнага мэдцэнтру па рэабілітацыі спартоўцаў. Гэты працэс я як мэнэджэр цяпер і курырую».

Былы генэральны мэнэджэр хакейнага клюбу «Дынама» (Менск) Уладзімер Беражкоў быў затрыманы ў жніўні 2015 году, яго абвінавачвалі ва злоўжываньні службовымі паўнамоцтвамі і ў крадзяжы грашовых сродкаў клюбу — каля мільярда рублёў. Паведамлялася, што ён папрасіў памілаваньня ў Аляксандра Лукашэнкі. Беражкоў выйшаў на волю пад падпіску аб нявыезьдзе.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG