Лінкі ўнівэрсальнага доступу

Берасьцейскія прадпрымальнікі вырашылі правесьці мітынг


У Берасьці адбыўся сход індывідуальных прадпрымальнікаў, на якім гандляры падтрымалі ідэю правядзеньня масавай акцыі ў Менску, а таксама вырашылі зладзіць мітынг і ў сваім абласным цэнтры.

На сход на рынку «ЦУМ» прыйшлі каля 300 прадпрымальнікаў з розных рынкаў Берасьця. Мясцовыя лідэры прадпрымальніцкага руху распавялі прысутным, як прайшоў форум у Менску, якія рэзалюцыі былі прынятыя, агучылі свае прапановы.

У прыватнасьці, казалі, што трэба падтрымаць акцыю ў Менску:

«15 лютага ў Менску заплянаваны мітынг. Я спадзяюся, што ад Берасьця паедзе не 50, а 200–300 чалавек. Ад нас вельмі шмат залежыць, ад нас залежыць наша будучыня», — выказаўся адзін з прадпрымальнікаў.

Гучалі прапановы нават скупіць квіткі адразу на некалькі вагонаў да Менску, каб ехаць на акцыю калектыўна.

Апроч акцыі ў Менску, на сходзе выказалі намер падаць заяўку на мітынг у сярэдзіне лютага і ў Берасьці.

Таксама ў часе сходу прадпрымальнікі склалі ліст да кіраўніцтва Берасьцейскага аблвыканкаму з прапановамі адмены ўказаў прэзыдэнта № 222 і 48. І падпісваліся пад ім.

Казалі прадпрымальнікі пра цяжкія ўмовы працы і непазьбежнасьць штрафаў:

«Наконт штрафаў. Штрафы грабежніцкія, і яны закладзеныя ў бюджэт. То бок, калі вас злавілі, вам ня будуць казаць, што вы няправільна тут аформілі, аформіце вось так, а мы заўтра прыйдзем і праверым. Адразу будуць спустошваць чалавека. Людзі пазбаўляюцца ўсяго, пазбаўляюцца таго, што зарабілі не крымінальным шляхам, а сваёй працай».

Абмяркоўвалі гандляры і «непраўдзівасьць паказу праблемаў прадпрымальнікаў» на дзяржаўных тэлеканалах, абураліся, што СМІ «хлусяць, што ІП накручваюць на тавары да 500 працэнтаў».

Ажыўленьне прадпрымальнікаў выклікала абвестка праз гукаўзмацняльную апаратуру: адміністрацыя рынку заклікала пакупнікоў, каб былі пільныя на рынку. Прадпрымальнікі нават перапынілі выступы, каб адсьмяяцца: якія, маўляў, пакупнікі, калі ледзь ня ўсе ралеты зачыненыя?

Прадпрымальнікі кажуць, што будуць рэгулярна ладзіць сходы ў Берасьці да часу, пакуль сытуацыя з указам 222 ня вырашыцца.

1 студзеня 2016 году ўступіў у сілу ўказ № 222. Ён патрабуе, каб прадпрымальнікі рэалізоўвалі прадукцыю лёгкай прамысловасьці, увезеную з краін Мытнага саюзу, толькі з суправаджальнымі дакумэнтамі. Праблема ў тым, што расейскія пастаўшчыкі, у якіх закупляюць тавар большасьць беларускіх ІП, як правіла, адмаўляюцца выдаваць дакумэнты аб паходжаньні прадукцыі, альбо прадстаўляюць фіктыўныя даведкі. У выніку ІП церпяць ад штрафаў і канфіскацыяў.

Многія прадпрымальнікі заяўляюць пра спыненьне працы на нявызначаны тэрмін. У шмат якіх гарадах адбываюцца сходы і мітынгі дробных гандляроў.

Каля 300 ІП прыйшлі на сход у Берасьці

Каля 300 ІП прыйшлі на сход у Берасьці

Лідэры берасьцейскага руху прадпрымальнікаў абвясьцілі пра намер правесьці мітынг

Лідэры берасьцейскага руху прадпрымальнікаў абвясьцілі пра намер правесьці мітынг

«Людзі пазбаўляюцца ўсяго, што зарабілі сваёй працай»

«Людзі пазбаўляюцца ўсяго, што зарабілі сваёй працай»

У часе сходу

У часе сходу

Алена Кустус, лідэрка прадпрымальніцкага руху Берасьця

Алена Кустус, лідэрка прадпрымальніцкага руху Берасьця

Прадпрымальнікі мяркуюць і надалей ладзіць сходы

Прадпрымальнікі мяркуюць і надалей ладзіць сходы

Прадпрымальнікі падпісваюцца пад пэтыцыяй у аблвыканкам

Прадпрымальнікі падпісваюцца пад пэтыцыяй у аблвыканкам

Пустыя гандлёвыя ралеты на берасьцейскім рынку «ЦУМ»

Пустыя гандлёвыя ралеты на берасьцейскім рынку «ЦУМ»

Паказаць камэнтары

XS
SM
MD
LG