Лінкі ўнівэрсальнага доступу

Парлямэнт Вэнэсуэлы запусьціў працэдуру імпічмэнту прэзыдэнта Мадуры


Нікалас Мадура
Нікалас Мадура

Нацыянальны кангрэс (парлямэнт) Вэнэсуэлы, большасьць якога кантралюецца апазыцыяй, прагаласаваў 25 кастрычніка за судовы пазоў супраць прэзыдэнта краіны Нікаласа Мадуры, піша Reuters.

Нацыянальны кангрэс выклікаў Мадуру на сэсію ў наступны чацьвер, але прэзыдэнт наўрад ці яе наведае ў цяперашніх абставінах. На сераду Мадура прызначыў пасяджэньне Кангрэсу абароны нацыі, на які запрасіў і лідэра парлямэнцкай апазыцыі. Апазыцыя ж прызначыла на гэты дзень маштабныя акцыі пратэсту.

На мінулым тыдні парлямэнт спрабаваў правесьці імпічмэнт іншым шляхам — праз нацыянальны рэфэрэндум аб адкліканьні Мадуры. Але ўрад, які складаецца з прапрэзыдэнцкіх сацыялістаў, адмовіў у такой працэдуры як «бяссэнсоўнай». Нацыянальны кангрэс Вэнэсуэлы абвясьціў гэта дзяржаўным пераваротам. Згодна з апытаньнямі, большасьць вэнэсуэльцаў прагаласавалі б на рэфэрэндуме супраць прэзыдэнта.

Суд над Мадурам Reuters называе «збольшага сымбалічным», бо ўрад і Вярхоўны суд Вэнэсуэлы абвясьцілі Нацыянальную асамблею нелегітымнай, а віцэ-прэзыдэнт краіны заявіў, што парлямэнту «юрыдычна не існуе», пакуль у ім ёсьць тры заканадаўцы, якіх абвінавачваюць у подкупе выбарцаў.

Апазыцыі важна прыняць рашэньне адхіліць Мадуру ад улады да 10 студзеня 2017 году: калі пасьпеюць, маюць адбыцца новыя выбары; калі не — пасаду прэзыдэнта зойме цяперашні віцэ-прэзыдэнт, якога прызначыў Мадура.

Праціўнікі Мадуры абвінавачваюць прэзыдэнта ў разбурэньні эканомікі, рэзкім росьце цэнаў, харчовым крызісе. Мадура ж бачыць прычыны крызісу ў падзеньні цэнаў на нафту і ўплыве ЗША — у тым ліку абвінавачвае ў жаданьні разбурыць Вэнэсуэлу асабіста прэзыдэнта ЗША Барака Абаму.

Беларускія праекты ў Вэнэсуэле

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG