Лінкі ўнівэрсальнага доступу

Расея заявіла, што сырыйскае войска прыпыніла ваенныя дзеяньні на ўсходзе Алепа


Міністар замежных спраў Расеі Сяргей Лаўроў
Міністар замежных спраў Расеі Сяргей Лаўроў

Міністар замежных спраў Расеі Сяргей Лаўроў, выступаючы ў кулюарах пасяджэньня кіраўнікоў МЗС краінаў АБСЭ ў Гамбургу, распавёў, што з Алепа выводзяцца каля васьмі тысяч мірных жыхароў, назваўшы гэта найбуйнейшай гуманітарнай апэрацыяй за ўвесь час канфлікту.

Лаўроў таксама паведаміў, што ў часе апошніх дзьвюх сустрэчаў з дзяржсакратаром ЗША Джонам Кэры дасягнута дамоўленасьць аб правядзеньні ў Жэнэве 10 сьнежня нарады вайсковых экспэртаў і дыпляматаў для ўрэгуляваньня «праблемы Ўсходняга Алепа».

Паўстанцкія ўлады на ўсходзе Алепа паведамілі, што за апошнія 26 дзён у баях загінулі больш за 800 чалавек, да трох з паловай тысяч — параненыя.

У сераду вядучыя заходнія дзяржавы патрабавалі ад Дамаску неадкладна спыніць агонь у Алепа, а ад Масквы — аказаць у гэтых мэтах ціск на рэжым Башара Асада, які Расея падтрымлівае.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG