Відэа і фота-здымкі, якія сьведчаць пра ўдзел беларусаў у змаганьні за Данецкі аэрапорт, разьмешчаныя ў фэйсбук-акаўнце «Згуртаваньне патрыётаў».
Здымкі зробленыя ў вёсцы Пескі, найважнейшай пазыцыі, празь якую ўкраінцы дапамагаюць абаронцам Данецкага аэрапорта.
Міжнародны аэрапорт імя Сяргея Пракоф’ева ў Данецку стаў сымбалем супрацьстаяньня ўкраінскіх «кібаргаў» і ўдзельнікаў прарасейскіх узброеных фармаваньняў.
Змаганьне за аэрапорт ідзе зь вясны 2014 году, і з восені сытуацыя там застаецца стабільна крытычнай.
