Лінкі ўнівэрсальнага доступу

Стынг адкрыў парыскі клюб «Батаклян» праз год пасьля тэрактаў


Сьлед ад кулі ў вакне рэстарацыі Le Carillon у Парыжы, лістапад 2015

Сьлед ад кулі ў вакне рэстарацыі Le Carillon у Парыжы, лістапад 2015

13 лістапада спаўняецца год, як у Парыжы адбылася сэрыя тэрактаў, у выніку якіх загінулі 130 чалавек. Амаль адначасова былі зьдзейсьненыя некалькі нападаў: выбухі каля стадыёну «Стад дэ Франс», расстрэлы ў некалькіх рэстаранах, а таксама захоп і забойства закладнікаў у канцэртнай залі «Батаклян».

Канцэрт пачаўся з хвіліны маўчаньня ў памяць аб 90 загінулых у выніку нападу. У пачатку выступу Стынг сказаў, што хацеў бы ўшанаваць памяць забітых і ўславіць жыцьцё.

«Мы не забудзем іх», – прамовіў сьпявак па-француску і выканаў знакамітую кампазыцыю «Fragile».


Прэмʼер-міністар Францыі Мануэль Вальс заявіў, што надзвычайнае становішча, уведзенае ў краіне пасьля тэрактаў год таму, хутчэй за ўсё, будзе працягнута. У інтэрвʼю ВВС Вальс сказаў, што Францыя павінна абараніць дэмакратыю напярэдадні прэзыдэнцкіх выбараў наступнага году.

Рэжым надзвычайнага стану быў уведзены ў краіне на паўгоду пасьля сэрыі тэрактаў, потым падоўжаны да студзеня 2017 году. Тады Вальс заявіў, што працягваць надзвычайнае становішча будуць гэтулькі разоў, колькі гэта спатрэбіцца для бясьпекі краіны.

Паказаць камэнтары

XS
SM
MD
LG