На месцы тушэньня пажару ў складзкім будынку ў раёне «Атраднае» у Маскве выяўлена 16 целаў загінулых, яшчэ чатыры чалавекі шпіталізаваныя.
Пра гэта паведамляе «Інтэрфакс» са спасылкай на крыніцу ў экстраных службах горада.
«Пажар у адміністрацыйна-складзкім будынку друкарні ліквідаваны на плошчы 200 квадратных мэтраў. Пацярпелі 20 чалавек: 16 зь іх загінулі, чатыры чалавекі накіраваныя ў лякарні», — сказаў суразмоўца агенцтва.
Ён адзначыў, што загінулыя меркавана зьяўляюцца прыежджымі з краінаў СНД.
