Лінкі ўнівэрсальнага доступу

Распачаўся суд па заяве нязгодных з будоўляй царквы і праваслаўнага летніка на возеры Балдук


Возера Балдук

Возера Балдук

Паводле жыхароў вёскі Вайшкуны, у якой пастаўскі прыход Мікалая Цудатворцы «Жыватворная крыніца» будуе праваслаўны храм, грамадзкіх слуханьняў і абмеркаваньняў будоўлі не было. Правядзеньне такіх мерапрыемстваў прадугледжана заканадаўствам, тым больш што з возерам Балдук зьвязаная відавочная экалягічная праблема.

Гэтае возера ўнікальнае, але ўмяшаньне ў ягоную экасыстэму можа загубіць вадаём. У Балдуку надта доўгі водаабмен — каля 30 год, і гэтая акалічнасьць вымагае, каб наведваньне яго турыстамі было абмежавана. Вядома, ніякія абмежаваньні ня будуць дзейнічаць, калі на беразе паўстануць і праваслаўны храм, і праваслаўны летнік, на будоўлю якога ўжо таксама атрыманы дазвол.

Пашпарт будаўніцтва

Пашпарт будаўніцтва

Возеру пагражае небясьпека

Возеру пагражае небясьпека

Расьцяжка на плоце будоўлі, зробленая мясцовымі жыхарамі

Расьцяжка на плоце будоўлі, зробленая мясцовымі жыхарамі

Мясцовыя жыхары зьвярнуліся ў суд, напісаўшы, што Пастаўскі райвыканкам ня выканаў неабходных умоваў — не арганізаваў грамадзкія слуханьні, і меркаваньні праціўнікаў будоўлі ніхто не пачуў. Віцебскі абласны суд вырашыў, што судовы працэс будзе праходзіць у Глыбокім. Маўляў, каб разгляд быў аб’ектыўны.

Працэс распачаўся 6 лістапада, яго вёў глыбоцкі судзьдзя Андрэй Тарасевіч. Пастаўскі райвыканкам прадстаўляў супрацоўнік-юрыст Сяргей Кісялёў. Ён не адмаўляў, што арганізаваць слуханьні трэба, але заявіў, што пазоў да Пастаўскага райвыканкаму — не па адрасе. Маўляў, мясцовыя ўлады, якія абавязаныя арганізоўваць такія імпрэзы, — гэта Лынтупскі сельсавет, у які тэрытарыяльна ўваходзяць вёскі Вайшкуны і Станчыкі. Трэба пытацца зь іх. Або — зь Віцебскага аблвыканкаму, які даў дазвол на будоўлю без грамадзкіх слуханьняў. Рашэньне па гэтай справе будзе агучана 11 лістапада, у наступную сераду.

Дарогу празь вёску ўжо праклалі

Дарогу празь вёску ўжо праклалі

Нягледзячы на пратэсты мясцовага насельніцтва — дарэчы, спрэс каталіцкага веравызнаньня — будоўля праваслаўнай царквы ўжо пачалася. Мясцовыя жыхары-каталікі так і не зразумелі, якім чынам іхныя вёскі трапілі на тэрыторыю праваслаўнага прыходу пастаўскай царквы Сьвяціцеля Мікалая Цудатворцы, да якой больш за 40 км.

Будоўля «засакрэчана»

Будоўля «засакрэчана»

Анатоль Лоўкіс, уласьнік хаты ў Вайшкунах і адзін з прадстаўнікоў ініцыятывы «Балдук», апавёў:

«Дарогу празь вёску ўжо праклалі, цяпер па ёй езьдзіць тэхніка. Будоўля абгароджана плотам, ён зьверху абцягнуты непразрыстай сеткай — каб не разгледзелі, што робіцца за ім. А за ім ужо паставілі два крыжы, драўляны і жалезны, і перасаджваюць сосны — з тэрыторыі будоўлі за плот. Перасаджваюць абы-як, дрэвы наўрад ці прыжывуцца. Што будзе з возерам Балдук, якое так прывабіла праваслаўны прыход, проста цяжка сабе ўявіць...»

Перасаджваюць сосны

Перасаджваюць сосны

Эколягі з арганізацыі «Экадом», якія дапамагаюць мясцовым жыхарам у іхнім памкненьні захаваць возера, маюць самыя кепскія прагнозы. Возера Балдук з павелічэньнем колькасьці наведнікаў будзе немінуча засьмечвацца. Навукоўцы з Акадэміі навук дасьледавалі стан вадаёма і рэкамэндавалі адміністрацыі парку «Нарачанскія азёры» абмежаваць колькасьць турыстаў на паўднёвым беразе Балдука — каб пускалі людзей толькі па выходных і ня больш як 30 чалавек у дзень. Аднак па возеры праходзіць мяжа паміж абласьцямі, яго паўночны бераг — гэта ўжо тэрыторыя Віцебшчыны. І тут чыноўнікі далі дазвол на вялікую будоўлю, нягледзячы нават на парушэньні заканадаўства і экалягічную пагрозу для ўнікальнага вадаёма.

У запаведнай зоне — цяжкая тэхніка

У запаведнай зоне — цяжкая тэхніка

Паказаць камэнтары

XS
SM
MD
LG