Лінкі ўнівэрсальнага доступу

З муралу пра дружбу Масквы і Менску «здымуць» калючы дрот


Менгарвыканкам асуджае ўчынак графіціста, які зьмяніў малюнак пра сяброўства Масквы і Менску, і просяць ананімнага мастака да канца гэтага тыдня выправіць малюнак самастойна. Калі ён гэтага ня зробіць, гарадзкія ўлады зьвернуцца ў суд.

Пра гэта паведамляе БелТА са спасылкай на прэс-сакратара Менгарвыканкаму Алену Махор.

«Гарадзкія ўлады падтрымліваюць вулічны стрыт-арт, аднак гэта ня значыць, што камусьці будзе дазволена ўмешвацца ва ўжо створаныя ў горадзе работы. Учынак невядомага графіціста, які ўнёс зьмены ў малюнак пра дружбу Масквы і Менску, — гэта, перш за ўсё, непавага да расейскага мастака Артура Кашака і адкрытае хамства ў дачыненьні да менчукоў», — адзначыла Алена Махор.

Яна падкрэсьліла, што малюнак у любым выпадку адновяць у першапачатковым варыянце. Асоба графіціста будзе ўстаноўлена ў найбліжэйшы час.

«Мы прапануем мастаку да канца гэтага тыдня выправіць малюнак самастойна, у адваротным выпадку панесеныя горадам выдаткі будуць выстаўленыя яму ў судовым парадку», — падкрэсьліла Алена Махор.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG