Лінкі ўнівэрсальнага доступу

Прыватны выдавец Зьміцер Колас заснаваў новую кніжную серыю «Паэты плянэты»

Першыя шэсьць кніг ужо выйшлі з друку. Прэзэнтацыя прайшла сёньня ў Нацыянальнай бібліятэцы.

Творы Сапфо, Пэтраркі, Рансара, Шэксьпіра, Гётэ, Габрыэлы Містраль падаюцца ў перакладах прадстаўнікоў некалькіх перакладчыцкіх пакаленьняў — ад Уладзімера Дубоўкі і Юркі Гаўрука да Ганны Янкуты і Антона Францішка Брыля.

Усе выданьні маюць кішэнны фармат, сярэдні кошт аднаго асобніка — тры з паловай дэнамінаваныя рублі.

У плянах выдаўца на бліжэйшы час — выдаць у сэрыі лірыку Рыльке, Хаяма, Катула, Гёльдэрліна, Каханоўскага, Апалінэра, Катры Валы... Агулам у сэрыі мяркуецца выпусьціць каля 75 кніг.

Усе кніжкі маюць афармленьне, распрацаванае колішнім выпускніком Коласаўскага ліцэю Марцінам Русецкім.


XS
SM
MD
LG