Лінкі ўнівэрсальнага доступу

Беларуская апазыцыя ўдзельнічае ў «Эўранэсьце» без Анісім і Канапацкай


Лідэры беларускай апазыцыі на саміце Эўрапейскай народнай партыі ў Брусэлі, Бэльгія. На фота Анатоль Лябедзька (АГП), Аляксандар Мілінкевіч (рух «За Свабоду»), Уладзімер Някляеў і Віталь Рымашэўскі (БХД)

Лідэры беларускай апазыцыі на саміце Эўрапейскай народнай партыі ў Брусэлі, Бэльгія. На фота Анатоль Лябедзька (АГП), Аляксандар Мілінкевіч (рух «За Свабоду»), Уладзімер Някляеў і Віталь Рымашэўскі (БХД)

13 кастрычніка ў Брусэлі адбудзецца сумеснае пасяджэньне рабочай групы ў справах Беларусі парлямэнцкай асамблеі Ўсходняга партнэрства «Эўранэст» і дэлегацыі Эўрапарлямэнту ў пытаньнях сувязяў зь нашай краінай.

На запрашэньне Эўрапарлямэнту ў гэтай нарадзе бярэ ўдзел дэлегацыя беларускіх апазыцыйных партыяў — старшыня Партыі БНФ Аляксей Янукевіч, лідэр руху «За Свабоду» Аляксандр Мілінкевіч, старшыня Аб’яднанай дэмакратычнай партыі Анатоль Лябедзька, экс-кандыдат у прэзыдэнты Ўладзімер Някляеў, сустаршыня Беларускай хрысьціянскай дэмакратыі Віталь Рымашэўскі, лідэрка «Гавары праўду» Тацяна Караткевіч.

Прадстаўніц апазыцыйных структур, якія сталі дэпутаткамі Палаты прадстаўнікоў, Алену Анісім і Ганну Канапацкую, у Брусэль не запрасілі. Як паведаміў дэпутат Валеры Варанецкі, «мачыма, таму, што пакуль не сфармаваныя пастаянныя камісіі».

XS
SM
MD
LG