Лінкі ўнівэрсальнага доступу

logo-print

Ананіч: Калі інтэрнэт-рэсурсы публікавалі заклікі да байкоту выбараў — гэта прамое парушэньне заканадаўства


Лілія Ананіч, архіўнае фота

Лілія Ананіч, архіўнае фота

Падчас выбарчай кампаніі асобныя інтэрнэт-рэсурсы парушалі выбарчае заканадаўства і закон аб СМІ, заявіла журналістам 6 кастрычніка міністар інфармацыі Лілія Ананіч.

«Калі асобныя інтэрнэт-рэсурсы публікавалі заклікі да байкоту выбараў — гэта прамое парушэньне выбарчага заканадаўства. Калі мы такія рэсурсы аналізуем, мы ня можам ня бачыць, што асобныя СМІ ставілі некалькі іншую задачу, чым асноўнае інфармацыйнае поле. Думаю, вы і самі ведаеце гэтыя рэсурсы».

На пытаньне, ці зьяўляюцца такія парушэньні адзінкавымі ці сыстэмнымі, міністар адказала:

«У кожнага СМІ ёсьць свой твар. Ёсьць рэсурсы, якія ў той ці іншай ступені працавалі на тэму байкоту выбараў. Я іх не называю, але парушэньні заканадаўства не могуць выпарацца: калі яны ёсьць, яны фіксуюцца. І такая аналітычная праца ў Міністэрстве інфармацыі вядзецца, вядзецца усімі структурамі.

Наўрад ці можна не заўважаць, што ў асобных сродкаў масавай інфармацыі, хутчэй гэта адносіцца да інтэрнэт-рэсурсаў, якія ў большай ступені зарэгістраваныя за межамі краіны, у гэтай выбарчай кампаніі былі свае спэцыфічныя задачы».

Пры гэтым Ананіч адмовілася адказваць на пытаньне, ці будзе міністэрства рэагаваць на такія парушэньні, перадае БелаПАН.

Ваша меркаваньне

Паказаць камэнтары

XS
SM
MD
LG