Міністар фінансаў Беларусі Ўладзімер Амарын сказаў журналістам, што падчас чарговай місіі МВФ беларускі бок будзе ініцыяваць абмеркаваньне пытаньня пра новую праграму.
Ён сказаў, што МВФ і Беларусь прыходзяць да ўсё большага паразуменьня:
«Разуменьня ўсё больш і больш паміж намі і МВФ».
Паводле Амарына, МВФ і Эўразійскі фонд стабілізацыі і разьвіцьця ў цэлым прапануюць падобныя меры:
«Глыбіня гэтых мераў і маштабы могуць быць іншыя».
Таксама Амарын паведаміў, што чарговы транш у 300 млн даляраў ад Эўразійскага фонду стабілізацыі і разьвіцьця можа паступіць у Беларусь у канцы чэрвеня або на пачатку ліпеня.
Першы транш гэтага крэдыту ў 500 млн даляраў паступіў у канцы сакавіка 2016 году, паведамляе БелТА.
