Лінкі ўнівэрсальнага доступу

Афіцыйна: рэфэрэндум аб зьмене Канстытуцыі Азэрбайджану адбыўся


Ільхам Аліеў галасуе на рэфэрэндуме
Ільхам Аліеў галасуе на рэфэрэндуме

26 верасьня ў Азэрбайджане праходзіць рэфэрэндум аб унясеньні паправак у канстытуцыю дзяржавы.

Галасаваньне ідзе на 5627 участках у 125 выбарчых акругах, а таксама ў 38 дыпляматычных місіях Азэрбайджану за мяжой. Права голасу на рэфэрэндуме маюць больш за 5 мільёнаў грамадзян.

Да 12.00 паводле мясцовага часу яўка на рэфэрэндуме склала 30,6%, сказаў дырэктар інфармацыйнага цэнтру ЦВК Азэрбайджану Фарыд Аруджаў. У адпаведнасьці з заканадаўствам лічыцца, што рэфэрэндум адбыўся, калі ў ім узялі ўдзел больш за 25% выбарнікаў.

Самая важная з прапанаваных зьменаў — падаўжэньне тэрміну прэзыдэнцкіх паўнамоцтваў зь пяці да сямі гадоў. Цяперашні кіраўнік дзяржавы, 54-гадовы Ільхам Аліеў, займае пасаду прэзыдэнта ад 2003 году, пераняўшы яе ад хворага бацькі. Ён ужо тройчы перамагаў на прэзыдэнцкіх выбарах (у 2003, 2008 і 2013 гг.). Яго цяперашні прэзыдэнцкі тэрмін мае скончыцца ў 2018 годзе.

Іншая папраўка прадугледжвае стварэньне дзьвюх віцэ-прэзыдэнцкіх пасадаў. Абодвух віцэ-прэзыдэнтаў будзе прызначаць і звальняць прэзыдэнт, а першы віцэ-прэзыдэнт стане другім чалавекам у краіне. У выпадку, калі прэзыдэнт ня будзе ў стане выконваць свае абавязкі, менавіта да яго (або да яе), а не да прэм’ер-міністра, якога прызначае парлямэнт, пяройдуць прэзыдэнцкія паўнамоцтвы.

Толькі калі першы віцэ-прэзыдэнт ня будзе ў стане выконваць свае абавязкі, прэзыдэнцкія паўнамоцтвы пяройдуць да прэм’ер-міністра.

Яшчэ адна папраўка ўпаўнаважвае прэзыдэнта прызначаць датэрміновыя прэзыдэнцкія выбары і распускаць парлямэнт, калі двойчы за год заканадаўцы абвясьцілі вотум недаверу ўраду або адхілілі прэзыдэнцкіх кандыдатаў на пасаду кіраўнікоў Канстытуцыйнага суду, Вярхоўнага суду або ў праўленьне азэрбайджанскага Цэнтральнага банку.

Мінімальны ўзрост кандыдата ў прэзыдэнты (цяпер — 35 гадоў) прапануецца адмяніць, а ўзрост для абраньня ў заканадаўчую ўладу прапануецца панізіць з 25 да 18 гадоў. Гэтая папраўка, як лічаць экспэрты, распрацаваная спэцыяльна пад сына Ільхама Аліева Гейдара, якому нядаўна споўнілася 18 гадоў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG