Лінкі ўнівэрсальнага доступу

Адвакаты «адбілі» дзьвюх жанчын ад выплаты падатку на «дармаедзтва»


Праваабарончы цэнтар «Прававая дапамога насельніцтву», які разам з Беларускім прафсаюзам работнікаў радыёэлектроннай прамысловасьці пачаў агульнанацыянальную кампанію за адмену прэзыдэнцкага дэкрэту № 3, дамогся першага рэальнага посьпеху. Юрысты цэнтру дапамаглі ануляваць паведамленьні з падатковай інспэкцыі аб неабходнасьці выплаты падатку дзьвюм жанчынам.

Пра гэта Свабодзе сёньня паведаміў кіраўнік «Прававой дапамогі насельніцтву» Алег Воўчак:

Алег Воўчак
Алег Воўчак

«Гэта адбылося ў Гомелі. Службовыя асобы неправамерна ўключылі у сьпіс платнікаў збору дзьвюх жанчын, якія выхоўваюць дзяцей ва ўзросьце да 7 гадоў. Мы дапамаглі ім абскардзіць гэтае рашэньне. Справа зацягнулася на месяц. Жанчыны ўвесь гэты час перажывалі. Яны ўсё пыталіся ў нас, ці не зьмянілася што-небудзь у заканадаўстве.

Скажу шчыра, мы, мабыць, нават больш працавалі не як юрысты, а як сямейныя псыхолягі: супакойвалі іх, пераконвалі, што яны ня будуць плаціць гэтага збору. І вось прыйшоў афіцыйны адказ з падатковай інспэкцыі Савецкага раёну Гомелю. Там напісана, што „вырашана ануляваць паведамленьне аб выплаце збору на фінансаваньне дзяржаўных выдаткаў за 2015 год у сувязі з выхаваньнем дзіцяці ва ўзросьце да 7 гадоў“. Шкада толькі, што ніхто з афіцыйных асобаў ня выбачыўся перад жанчынамі».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG