Лінкі ўнівэрсальнага доступу

logo-print

Чыноўнікі, сьвятары і «ціхары» адкрылі помнік Аляксандру Неўскаму


Помнік Аляксандру Неўскаму, увасобленаму разам з жонкай і сынам, урачыста адкрылі на Плошчы тысячагодзьдзя ў Віцебску. Траціну прысутных складалі праваслаўныя сьвятары, прадстаўнікі аблвыканкаму і гарвыканкаму, а таксама пільныя людзі ў цывільным з рацыямі і навушнікамі.

Наперадзе кіраўніцтва, астатнія — за «заслонай» са сьвятароў і міліцыянтаў

Наперадзе кіраўніцтва, астатнія — за «заслонай» са сьвятароў і міліцыянтаў

Шараговыя гараджане стаялі наводдаль: іх не пускалі блізка да помніка, адгарадзіўшы заслонай са сьвятароў і прадстаўнікоў спэцслужбаў, як у форме, так і ў цывільным. Доўгіх прамоваў не было. Пасьля пары песень і карагоду ў выкананьні мастацкай самадзейнасьці каля помніка зьявіўся гэтаксама «самадзейны» князь Аляксандар Неўскі на кані, трымаючы руку наперад — якраз на ўзор помніка князю Альгерду, адкрытаму ў Віцебску такой самай парой у 2014-м годзе. Тут жа зьявіліся і «жонка з сынам», прагучаў маналёг пра «багатыя і ўрадлівыя віцебскія землі». А пасьля да помніка падняліся старшыні абласнога і гарадзкога саветаў і абодвух выканкамаў, каб скінуць долу белую палатніну, якой была завешана скульптура.

Выступ самадзейнасьці на фоне царквы, дзе нібыта браў шлюб Аляксандар Неўскі

Выступ самадзейнасьці на фоне царквы, дзе нібыта браў шлюб Аляксандар Неўскі

«Жывы» князь

«Жывы» князь

У атачэньні прэсы

У атачэньні прэсы

Шараговая публіка назірае здалёк

Шараговая публіка назірае здалёк

Відэаапэратар нейкага дзяржаўнага тэлеканалу разгублена ўсклікнуў: «Дык апладзіраваць трэба! Актыўней, актыўней!» І зьняў пару спадарынь, якія паслухмяна запляскалі...

Пільныя людзі ў цывільным (зьлева) не прапускаюць да помніка

Пільныя людзі ў цывільным (зьлева) не прапускаюць да помніка

Значная частка прысутных — сьвятарства

Значная частка прысутных — сьвятарства

Помнік асьвяцілі праваслаўныя сьвятары, кіраўнікі Віцебска і вобласьці ўсклалі букеты да падножжа помніка. А чыноўнікі ніжэйшага рангу — чырвоныя гвазьдзікі, нібыта правадыру сусьветнага пралетарыяту. І толькі пасьля гэтага публіку пусьцілі падыйсьці бліжэй. Нехта адразу пачаў фатаграфавацца каля новага помніка, а адзін з казакоў, прысутных на адкрыцьці, дык і ўкленчыў перад Аляксандрам Неўскім.

Начальства чакае чаргі, каб ускласьці кветкі

Начальства чакае чаргі, каб ускласьці кветкі

Казакі

Казакі

Самы адданы прыхільнік Аляксандра Неўскага

Самы адданы прыхільнік Аляксандра Неўскага

Пасьля дэлегацыя кіраўнікоў вобласьці і гораду прайшла далей — у тую частку плошчы, дзе атабарыліся аматары-рэканструктары. Прытым глава вобласьці Мікалай Шарсьнёў пашыбаваў проста па газоне. Тыя, хто займае ніжэйшыя пасады, усё ж абралі нядаўна забрукаваную дарожку.

Кіраўніцтву вобласьці можна ўсё — нават хадзіць па газонах. У цёмных акулярах — старшыня аблвыканкаму

Кіраўніцтву вобласьці можна ўсё — нават хадзіць па газонах. У цёмных акулярах — старшыня аблвыканкаму

Без уліку праходкі начальства паміж рэканструктараў сярэднявечнага пэрыяду і часоў Вялікай Айчыннай вайны, адкрыцьцё помніка заняло хвілін 30.

Хоць рыхтаваліся да гэтай падзеі з 2009 году, калі гарвыканкам абвясьціў конкурс на лепшыя макеты адразу трох помнікаў — княгіні Вользе, якая, паводле непацьверджаных навукоўцамі дадзеных, нібыта была заснавальніцай Віцебску, вялікаму князю Альгерду, які княжыў у Віцебску, зрабіўшы горад разьвітым сярэднявечным цэнтрам, і Аляксандру Неўскаму, наўгародзкаму князю.

Паказальныя сярэднявечныя баі

Паказальныя сярэднявечныя баі

Якая сувязь паміж падзеямі мінулай вайны і князем Неўскім — загадка. Як і ягонае дачыненьне да Віцебску

Якая сувязь паміж падзеямі мінулай вайны і князем Неўскім — загадка. Як і ягонае дачыненьне да Віцебску

Пратэсты супраць узьвядзеньня апошняга загучалі адразу ж. Гараджане аргумэнтавалі сваю нязгоду тым, што гэтая асоба мае вельмі ўскоснае дачыненьне да тутэйшай гісторыі.

У якасьці падставы для ўшанаваньня памяці Аляксандра Неўскага ў Віцебску гарадзкія ўлады раскруцілі легенду пра тое, што ў віцебскай царкве Зьвеставаньня ён нібыта браў шлюб. А таксама тое, што ён быў жанаты з полацкай і віцебскай княжной Аляксандрай.

Паказаць камэнтары

XS
SM
MD
LG