Лінкі ўнівэрсальнага доступу

У Віцебскай міліцыі – каля дзясятка сьцягоў “ад Мірона”


Віцебскі Мірон вывесіў сьцяг у гонар Тадэвуша Касьцюшкі.


Бел-чырвона-белы сьцяг лунаў над жылой "пяціпавярхоўкай" на скрыжаваньні вуліц Кірава і Касмсамольскай. Яго было добра відаць з Кіраўскага мосту цераз Дзьвіну, які вядзе ад цэнтру горада да чыгуначнага вакзалу.

Зрэшты, убачыць сьцяг пасьпелі нямногія: ён зьявіўся каля паловы на восьмую вечара, а ў 20.20 яго ўжо не было. Зьняты нацыянальны сымбаль міліцыянты завезьлі ў Чыгуначны райаддзел, дзе за апошнія гады сабралася ўжо каля дзесятка бел-чырвона-белых "Міронавых" сьцягоў.

Вядомы зьмест цыдулкі, якая была прымацавана да сьцяга: "У гонар выдатнага ліцьвіна, сына беларускага народа, нацыянальнага героя нашай любай Бацькаўшчыны Андрэя Тадэвуша Банавэнтуры Касьцюшкі. Мы пераможам! Жыве Беларусь!" і подпіс "Мірон".

Паказаць камэнтары

XS
SM
MD
LG