Лінкі ўнівэрсальнага доступу

12-га лютага ў Вярхоўным судзе Беларусі пачаўся суд над экс-старшынём “Белнафтахіму” Аляксандрам Бароўскім.


Былога кіраўніка абвінавацілі ў нанясеньні дзяржаве вялікіх стратаў праз злоўжываньні службовым становішчам.

Паводле пракуратуры, страты большыя за 1,5 мільёна даляраў, але Аляксандар Бароўскі сваёй віны не прызнаў. У судзе ён адразу хадайнічаў аб правядзеньні фінансавай экспэртызы сваёй дзейнасьці.

“Мяне абвінавацілі ў нанясеньні стратаў, а разьлікаў ніякіх няма”, -- заявіў Аляксандр Бароўскі, якому пагражае да 8 гадоў зьняволеньня з канфіскацыяй маёмасьці.

Судзьдзя Мікалай Грынцевіч абвясьціў перапынак да 13-га лютага для вырашэньня шэрагу хадайніцтваў абароны і сваякоў А. Бароўскага.

Яго дачка і цешча просяць адмяніць арышт іх маёмасьці. У дачкі былі арыштаваныя аўтамабіль, дзьве кватэры Менску і дом з зямельным ўчасткам у Асіповіцкім раёне, а ў цёшчы – кватэра ў Бабруйску. Сьледзтва палічыла, што гэтая маёмасьць набытая на грошы Аляксандра Бароўскага.

Працэс над экс-старшынём “Белнафтахіму” адкрыты, судзьдзя забараніў фота і відэаздымкі.

Паказаць камэнтары

XS
SM
MD
LG