Лінкі ўнівэрсальнага доступу

Расея абяцае ўчыніць усе сучасныя захады бясьпекі пры пабудове новых энэргаблёкаў на Хмяльніцкай атамнай электрастанцыі ва Ўкраіне.

Пра гэта заявіў віцэ-прэм'ер Расеі Ігар Сечын на саміце ў пытаньнях бясьпечнага і інавацыйнага выкарыстаньня атамнай энэргіі, які прайшоў сёньня ў Кіеве. Саміт праходзіў паралельна зь міжнароднай донарскай канфэрэнцыяй для пераадоленьня наступстваў Чарнобыльскай катастрофы. Мерапрыемствы ва ўкраінскай сталіцы, прымеркаваныя да 25-х угодкаў аварыі, прадоўжацца да канца тыдня .

У мінулым месяцы расейская дзяржаўная карпарацыя Росатом распачала падрыхтоўчыя працы па дабудове 3-га і 4-га рэактараў на Хмяльніцкай АЭС. Будаўніцтва, як і ў выпадку з плянаванай АЭС у Беларусі, фінансуецца за кошт расейскага крэдыту.

На сёньняшні дзень Украіна мае чатыры дзейныя атамныя электрастанцыі. Чарнобыльская АЭС працягвала працаваць да канца 2000-га году. Работы па яе ліквідацыі дагэтуль незакончаныя.
XS
SM
MD
LG