Лінкі ўнівэрсальнага доступу

Сёньня частка індывідуальных прадпрымальнікаў распачынае страйк супраць прэзыдэнцкага ўказу № 760.Заклікі да гэтай акцыі пратэсту прагучалі падчас мітынгу прадпрымальнікаў 21 студзеня ў Менску.


Некаторыя прадпрымальнікі зачыняюць свае гандлёвыя месцы пад рознымі прычынамі, ня плацячы падатку. Актывіст кампаніі “За свабоднае разьвіцьцё прадпрымальніцтва” Віктар Крываль сказаў:

“Страйк ёсьць. Сёньня 1 лютага. Я, да прыкладу, зачынены, іншыя зачыненыя. І ёсьць людзі, якія працавалі і працуюць, і выкарыстоўваюць гэтае становішча на карысьць сабе. Самы кароткі месяц у годзе, увесь люты – страйк. Ня плаціш ты падатак і месяц не працуеш, і ўсе песьні. Зь першага па 30 студзеня афіцыйна я быў у адпачынку. Зараз напісаў заяву, што з 31 студзеня па 29 лютага 2008 года мая крама зачынена для правядзеньня рамонтных работ”.
Самы кароткі месяц у годзе, увесь люты – страйк. Ня плаціш падатак і месяц не працуеш.


Да прыкладу, у менскім гандлёвым цэнтры “Імпульс” на значнай колькасьці боксаў вісяць аб’явы пра месячны адпачынак да 31 студзеня. Аднак і сёньня яны не адчыніліся.

Паводле лідэра кампаніі “За свабоднае разьвіцьцё прадпрымальніцтва” Віктара Гарбачова, не працуе каля паловы прадпрымальнікаў на рынках у Пінску.

“Хто яго плянаваў на мітынгу, той і падтрымаў гэты страйк. Прадстаўнікі рэгіёнаў, якія былі на плошчы, гэты страйк збольшага і падтрымліваюць. Гэта працяг тых акцый, якія былі 10 і 21 студзеня. Страйк паказвае, што праблема ўказу № 760 ня зьнятая. У рэгіёнах прадпрымальнікі самі вырашаюць па гэтым страйку з 1 лютага. Хто тыдзень будзе стаяць, хто два тыдні, а хто й месяц”.

"Калі яны будуць сядзець дома, то пры чым тут адно да другога?"

Ці будуць падаткавікі караць тых, хто будзе страйкаваць, ня плацячы падатку? Супрацоўнік прэс-службы Міністэрства па падатках і зборах Сяргей Шкут патлумачыў:
Мая стаўка на 18 лютага. Каб, нягледзячы на запалохваньні, рабіць аналяг плошчы Каліноўскага. У шмат разоў лепш, калі ўдасца абвясьціць, што мы застанемся на плошчы з эканамічнымі лёзунгамі, а потым пяройдзем на палітычныя.


“Калі яны будуць ажыцьцяўляць дзейнасьць і не плаціць падатку, тады натуральна. А калі яны будуць сядзець дома, то пры чым тут адно да другога? Падатак сплачваецца індывідуальнымі прадпрымальнікамі тады, калі яны ажыцьцяўляюць пэўную дзейнасьць”.

Belarus-Makaeu The leader of businessmen, 08Jan2008
Паводле актывіста Алеся Макаева, грунтоўнай падрыхтоўкі да страйку не было, а многія прадпрымальнікі вымушаныя працаваць, каб мець хоць нейкую крыніцу прыбытку. Паводле спадара Макаева, цяпер прадпрымальнікі пачалі падрыхтоўку да асноўнай акцыі – мітынгу на Кастрычніцкай плошчы, які мае адбыцца 18 лютага:

“Мая стаўка на 18 чысло. Каб, нягледзячы на запалохваньні, пагрозы ўладаў наконт крымінальных справаў, рабіць аналяг плошчы Каліноўскага. І страйк добра, але гэта ў шмат разоў лепш, калі ўдасца абвясьціць, што мы застанемся на плошчы з эканамічнымі лёзунгамі, а потым пяройдзем на палітычныя, калі нас будзе шмат і ўлады ня пойдуць нам насустрач”.

Паказаць камэнтары

XS
SM
MD
LG