Іх вінавацяць у правядзеньні несанкцыянаванага мітынгу.
Аляксандра Цацуру і Ларысу Насановіч міліцыянты затрымалі ўчора на плошчы каля гарвыканкаму, дзе сабралася каля ста прадпрымальнікаў. Яны зьбіралі подпісы пад зваротам да дэпутатаў супраць прэзыдэнцкага ўказу №760. Паводле сына Аляксандра Цацуры Ільлі, удзельнікі збору подпісаў зачыталі тэкст звароту. Міліцыянты затрымалі А.Цацуру і Л. Насановіч і склалі пратакол. Ноч затрыманыя правялі ў міліцыі.
