Лінкі ўнівэрсальнага доступу

Казакі ўзнагародзілі кіраўніка віцебскай міліцыі


Начальніка Віцебскай абласной управы МУС Леаніда Фармагея Ўсебеларускае аб'яднаньне казацтва ўзнагародзіла ордэнам Сталіна.


Паводле віцебскага атамана Васіля Раманенкі, палкоўнік міліцыі ўганараваны “за бездакорную службу ў праваахоўных органах, асабісты ўнёсак у ахову правапарадку і з нагоды 70-годзьдзя ўтварэньня Віцебскай вобласьці”.

Леанід Фармагей быў прызначаны на пасаду кіраўніка віцебскай міліцыі ў леташнім сакавіку. Раней ён працаваў у Менску начальнікам управы грамадзкай бясьпекі і міліцыі спэцыяльнага прызначэньня МУС.

За час працы ў Віцебску адной з апэрацыяў узнагароджанага ордэнам Сталіна палкоўніка Фармагея стаў разгон бардаўскага фэсту “Аршанская бітва-2007”. На загад Фармагея ў апэрацыі былі задзейнічаныя міліцэйскія структуры трох раёнаў вобласьці.

Ордэн Сталіна не зьяўляецца дзяржаўным, хаця пры канцы 40-х гадоў мінулага стагодзьдзя ў СССР былі спробы распрацаваць канцэпцыю такой афіцыйнай узнагароды. Ад гэтай ідэі адмовіліся, бо яе нібыта не ўхваліў сам Сталін. Але пазьней вэтэранскія ды іншыя арганізацыі ажыцьцявілі колішнюю прапанову, і цяпер ордэн Сталіна зьяўляецца так званай “грамадзкай узнагародаю”.

Паказаць камэнтары

XS
SM
MD
LG