Лінкі ўнівэрсальнага доступу

Лідэр прадпрымальнікаў арыштаваны на 10 сутак


Валадара Цурпанава, арганізатара мітынгу магілёўскіх прадпрымальнікаў 10 студзеня на плошчы Леніна, сёньня пакаралі дзесяцьцю суткамі адміністрацыйнага арышту.


Судзьдзя Ленінскага суду Магілёва Натальля Панасенка прызнала Цурпанава вінаватым у парушэньні закону Беларусі “Аб масавых мерапрыемствах”. Паводле пастановы суду, Валадар Цурпанаў нібыта арганізаваў мітынг без адпаведнага на тое дазволу.

Жонка Валадара Цурпанава Ірына назвала вырак судзьдзі Натальлі Панасенкі несправядлівым і заявіла, што яна яго не прызнае:

“Я дужа ганаруся сваім мужам. Я ганаруся ягонымі паводзінамі. Я ганаруся ягонай грамадзянскай мужнасьцю й пазыцыяй. Дужа прыкра, што мы жывём у такой беспраўнай краіне”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG