Лінкі ўнівэрсальнага доступу

У калёніі адмовіліся перадаць Дашкевічу кнігі Пазьняка


Сябра Кансэрватыўна-Хрысьціянскай партыі БНФ Алесь Чахольскі вырашыў павіншаваць з Калядамі палітвязьняў Артура Фінькевіча і Зьмітра Дашкевіча. Ён даслаў абодвум заказным лістом кнігі лідэра КХП БНФ Зянона Пазьняка.


У Магілёўскім сьледчым ізалятары кнігі прынялі, а ў Шклоўскай папраўчай калёніі адмовіліся.

Алесь Чахольскі: “Даслаў ім кнігі “Новае стагодзьдзе” і “Вялікае княства” Зянона Пазьняка. Таксама ўклаў ягоны выступ “Асьвета і сіла” на лістападаўскім сойме, пару капэртаў, каб дачакацца адказу, і свае віншаваньні са сьвятамі. Пажадаў ім моцы духу і каб яны хутчэй выйшлі на свабоду.

Празь некаторы час я атрымаў з Магілёва паведамленьне, што ліст 8 студзеня атрыманы ў сьледчым ізалятары не Фінькевічам, а нейкім лейтэнантам. Я ня ведаю, ці перадалі яго Артуру. А ўчора я атрымаў са шклоўскай папраўчай калёніі № 17 сваю капэрту з наступнай прыпіскай. “Папраўчая калёнія № 17 ад атрыманьня адмовілася. Перасылаць дазволена толькі канцылярскія прылады. Выпіска з паштовых правілаў і правілаў унутранага распарадку папраўчых установаў”.

Я лічу, што ўсё гэта зьвязана зь імем нашага старшыні Зянона Станіслававіча Пазьняка. Яны баяцца, каб нават ягоныя словы дайшлі да вязьняў”, — лічыць Алесь Чахольскі.
  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

Паказаць камэнтары

XS
SM
MD
LG