Лінкі ўнівэрсальнага доступу

Калей: “Улады вядуць “зачыстку” перад акцыяй 21-га”


Адзін зь лідэраў прадпрымальніцкага руху Алесь Таўстыка сёньня быў затрыманы і арыштаваны на 15 сутак.


З раніцы тэлефон прадпрымальніка не адказваў. Алеся Таўстыку не маглі знайсьці каля пяці гадзінаў. Як высьветлілі пазьней актывісты руху “За Свабоду”, у які ўваходзіць спадар Таўстыка, яго затрымалі каля дому. Адразу ж адвезьлі ў суд Цэнтральнага раёну, дзе за ўдзел у акцыі пратэсту прадпрымальнікаў 10 студзеня арыштавалі на 15 сутак. Пакараньне ён будзе адбываць у турме на Акрэсьціна.

Намесьнік кіраўніка кампаніі “За свабоднае разьвіцьцё прадпрымальніцтва” Віктар Калей лічыць, што ўлады вядуць сыстэматычную зачыстку ўсіх лідэраў прадпрымальніцкага руху напярэдадні акцыі 21 студзеня.

“У любым выпадку акцыя 21 студзеня адбудзецца. Мы сёньня калегіяльна вырашылі, што пераносу акцыі ня будзе. Рэгіянальныя лідэры перастрахоўваюцца, будуць загадзя выяжджаць. Нават калі ня будзе лідэраў, другі, трэці склад, нехта будзе на плошчы кіраваць гэтым. І крыху будзем “разбаўляць” палітычнымі лідэрамі. Бо прадпрымальніцкія — усе на сутках”.

На 15 сутак адміністрацыйнага арышту за ўдзел у акцыі прадпрымальнікаў 10 студзеня ўжо асуджаныя некалькі дзясяткаў чалавек, у тым ліку лідэры прадпрымальніцкага руху Алесь Макаеў, Анатоль Шумчанка, а таксама старшыня Аб’яднанай грамадзянскай партыі Анатоль Лябедзька.
  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

XS
SM
MD
LG