Лінкі ўнівэрсальнага доступу

Гомель: водар Новага году з жывой ёлкай зьвязаны


Якія ялінкі больш даспадобы гамельчукам – натуральныя ці штучныя?


На пляцоўцы ля Цэнтральнага рынку ялінкі ды ўпрыгожваньні да іх прапануюць каля паўсотні гандляроў. І цяжка нават адразу вызначыць, якім ялінкам гамельчукі аддаюць перавагу — натуральным ці штучным?

Спадарыня: “Штучная зручнейшая — дастаў і паставіў. А лясныя… Зь лясных потым іголкі падаюць”.

Спадарыня: “З лесу трэба – сапраўдная яліна, зялёная, прыгожая, пышная”.

Спадарыня: “Адзін раз заплацілі за штучную – і на ўсё астатняе жыцьцё”.

Штучныя ялінкі польскай вытворчасьці каштуюць ад 50 да 260 тысяч рублёў, у залежнасьці ад вышыні.

На прапановы людзі глядзяць па-філязофску:

Спадарыня: “Ну, калі трэба ялінка, купіш па любой цане”.

І ўсё ж заўважна, што больш гараджанаў купляюць натуральныя ялінкі.

Спадарыня: “Крыўдна за гэтыя ёлачкі, але ўсё адно купляю. Водар Новага году з жывой ёлачкай зьвязаны”.

Падтрымлівае такое меркаваньне й гараджанін сталага ўзросту:

Спадар: “Каб водар у кватэры быў, водар сапраўднага Новага году. Штучная ж ялінка ніякага паху ня мае. Гэта трэба браць яловыя шампуні ды пырскаць”.

Прадаўцы жывых елак гандлем задаволеныя.

Прадавец: “Штук трыццаць прадалі”.

Прадавец: “Ялінкі ад 10 да 25 тысяч. Натуральныя. У доме пахне лесам”.

Прывезьлі гэтыя ялінкі з Чачэрскага лясгаса. Прадавец сьцьвярджае, што ўсе яны правераныя на радыяцыю:

Прадавец: “Не адпускаюць без праверкі. Лясгас ня мае права адпусьціць без праверкі на радыяцыю”.

Напярэдадні Новага году гомельская гарадзкая ўправа гандлю арганізавала ў горадзе дванаццаць месцаў продажу ялінак — натуральных і штучных.

XS
SM
MD
LG