Лінкі ўнівэрсальнага доступу

Расейскі крэдыт у Беларусі чакаюць да новага году


Пагадненьне аб выдзяленьні Беларусі стабілізацыйнага крэдыту на 1,5 мільярда даляраў маюць падпісаць да канца сьнежня, паведаміў Інтэрфакс са спасылкай на Мінфін Беларусі.


Канкрэтная дата пакуль ня вызначаная. У Мінфіне Беларусі не выключаюць, што ўся сума крэдыту паступіць у краіну адзіным плацяжом яшчэ сёлета.

Тэрмін крэдыту – 15 гадоў, з адтэрмінаваньнем пагашэньня на 5 гадоў, стаўка – LIBOR+0,75%.

З просьбай аб стабілізацыйным крэдыце ў сувязі з падвышэньнем цэнаў на газ Беларусь зьвярнулася да расейскага кіраўніцтва год таму.

XS
SM
MD
LG