Лінкі ўнівэрсальнага доступу

Берасьце: Андрэй Шарэнда асуджаны на 7 сутак


Судзьдзя Ленінскага раёну Берасьця Ларыса Назаранка абвінаваціла сябра руху “За Свабоду” Андрэя Шарэнду ва ўдзеле ў несанкцыянаваным пікеце ля будынку консульства Расеі ў абласным цэнтры і прыняла рашэньне арштаваць юнака на 7 сутак.

Сёньня ў Берасьці моладзь пратэставала супраць візыту ў Беларусь прэзыдэнта Расеі Ўладзімера Пуціна і магчымага падпісаньня Канстытуцыйнага акту так званай саюзнай дзяржавы.

Акцыя пратэсту пачалася ў 13.30, удзел у ёй узялі 15 чалавек. Удзельнікі пікету разгарнулі плякаты “Ніякіх саюзаў з Расеяй!” і “Пуцін! Go home!”

Як паведаміў берасьцейскі праваабаронца Ўладзмер Вялічкін, юнакі і дзяўчаты пасьпелі перадаць у консульства пэтыцыю са сваімі патрабаваньнямі і раздаць частку ўлётак. У кароткі час ля консульства зьявіліся два аўтамабілі спэцназу. Затрыманых Насту Ільіну і Андрэя Шарэнду даставілі ў Ленінскі РАУС Берасьця, а пасьля – у суд.

Наста Ільіна асуджаная на 5 сутак арышту, Андрэй Шарэнда – на сем.

Сёлета ў верасьні Андрэй Шарэнда адбываў за кратамі 15 сутак арышту. Яго абвінавацілі ва ўдзеле несанкцыянаванага сходу, які суд Ленінскага раёну Берасьця палічыў прэзэнтацыю кнігі Паўла Севярынца “Лісты зь лесу”.

XS
SM
MD
LG