Зьміцер Хведарук ляжыць у аддзяленьні спалучальных траўмаў 9 клінічнага шпіталя. Мэдыкі зафіксавалі пабоі і чэрапна-мазгавую траўму. Маці Зьмітра Ірына Хведарук была ў шпіталі празь некалькі хвілінаў пасьля таго, як ёй патэлефанавалі і паведамілі, што здарылася з сынам.
Зьміцер ня мог нават размаўляць. Гаворыць Ірына Хведарук:
“Я бачыла гісторыю хваробы. Там напісана: “прычына атрыманых траўмаў — зьбіты супрацоўнікамі міліцыі”. Калі Дзіма змог размаўляць, ён сказаў, што зьбівалі яго сьвядома. Гэта была не выпадковасьць, у запале разгону, выцісканьня з плошчы, а, што яго менавіта прапусьцілі праз шэраг амонаўцаў, якія выціскалі пікетоўцаў”.
Сёньня Зьміцер Хведарук пачуваецца лепей. Да 5 вечара да яго нікога не пускалі, спасылаючыся на правілы ўнутранага распарадку шпіталя. Зьміцер змог сказаць некалькі словаў Радыё Свабода праз мабільны тэлефон:
“Дзякуй Богу, я сябе ўжо лепей адчуваю. Магу ўжо размаўляць спакойна, хоць баліць галава. Як толькі ўздымаюся, то галава ідзе кругам. Мяне возяць на каталцы. Але магло быць і горш. Пасьля некалькіх удараў па галаве, патыліцы, у сківіцу, у скронь я зваліўся на зямлю. Мяне яшчэ працягвалі зьбіваць супрацоўнікі АМОНу, некалькі чалавек. Дакладна не магу сказаць, колькі, бо было цёмна, а потым я страціў прытомнасьць і ачуўся ўжо ў шпіталі”.
Маці Зьмітра падала заяву ў міліцыю, каб міліцыянтаў, якія зьбілі яе сына, прыцягнулі да адказнасьці. Але яна ня верыць, што справа дойдзе да суду і вінаватых пакараюць.
“Проста калі цяпер высьветляць асобаў, датычных да гэтай справы, то надалей выкарыстоўваць супрацоўнікаў органаў унутраных спраў супраць бяззбройных людзей, дзяцей і старых, стане немагчыма. Гэта народзіць страх у асяродку супрацоўнікаў органаў унутраных спраў. Бо што разьвязвае рукі? Беспакаранасьць. Мужны чалавек ніколі ня ўдарыць слабога і бяззбройнага”.
12 сьнежня пры разгоне дэманстрацыі пацярпелі некалькі чалавек. Апроч моладзі, дасталося і пэнсіянэрам. Мужчыну сталага ўзросту білі па нагах. Ён крычаў, што ён інвалід, але гэта не спыніла спэцназаўцаў, і ён таксама апынуўся на зямлі.
Дзярждэпартамэнт ЗША асудзіў зьбіцьцё людзей і жорсткі разгон мірнай акцыі. Палітыкі і міжнародныя праваабарончыя арганізацыі таксама выказалі свой пратэст супраць дзеяньняў беларускіх уладаў у дачыненьні да ўдзельнікаў акцыі “За незалежнасьць”, якая была прымеркавана да візыту расейскага прэзыдэнта Ўладзімера Пуціна.
Зьміцер ня мог нават размаўляць. Гаворыць Ірына Хведарук:
У гісторыію хваробы напісана: “прычына атрыманых траўмаў — зьбіты супрацоўнікамі міліцыі”...
Сёньня Зьміцер Хведарук пачуваецца лепей. Да 5 вечара да яго нікога не пускалі, спасылаючыся на правілы ўнутранага распарадку шпіталя. Зьміцер змог сказаць некалькі словаў Радыё Свабода праз мабільны тэлефон:
“Дзякуй Богу, я сябе ўжо лепей адчуваю. Магу ўжо размаўляць спакойна, хоць баліць галава. Як толькі ўздымаюся, то галава ідзе кругам. Мяне возяць на каталцы. Але магло быць і горш. Пасьля некалькіх удараў па галаве, патыліцы, у сківіцу, у скронь я зваліўся на зямлю. Мяне яшчэ працягвалі зьбіваць супрацоўнікі АМОНу, некалькі чалавек. Дакладна не магу сказаць, колькі, бо было цёмна, а потым я страціў прытомнасьць і ачуўся ўжо ў шпіталі”.
Пасьля некалькіх удараў па галаве, патыліцы, у сківіцу, у скронь я зваліўся на зямлю...
“Проста калі цяпер высьветляць асобаў, датычных да гэтай справы, то надалей выкарыстоўваць супрацоўнікаў органаў унутраных спраў супраць бяззбройных людзей, дзяцей і старых, стане немагчыма. Гэта народзіць страх у асяродку супрацоўнікаў органаў унутраных спраў. Бо што разьвязвае рукі? Беспакаранасьць. Мужны чалавек ніколі ня ўдарыць слабога і бяззбройнага”.
12 сьнежня пры разгоне дэманстрацыі пацярпелі некалькі чалавек. Апроч моладзі, дасталося і пэнсіянэрам. Мужчыну сталага ўзросту білі па нагах. Ён крычаў, што ён інвалід, але гэта не спыніла спэцназаўцаў, і ён таксама апынуўся на зямлі.
Дзярждэпартамэнт ЗША асудзіў зьбіцьцё людзей і жорсткі разгон мірнай акцыі. Палітыкі і міжнародныя праваабарончыя арганізацыі таксама выказалі свой пратэст супраць дзеяньняў беларускіх уладаў у дачыненьні да ўдзельнікаў акцыі “За незалежнасьць”, якая была прымеркавана да візыту расейскага прэзыдэнта Ўладзімера Пуціна.
