Лінкі ўнівэрсальнага доступу

Амбасадарка ЗША асудзіла разгон акцыі (відэа)


Амбасадарка ЗША ў Беларусі Карэн Ст’юарт

Амбасадарка ЗША ў Беларусі Карэн Ст’юарт

Карэн Ст’юарт жорстка асудзіла гвалтоўны разгон учорашняй акцыі на Кастрычніцкай плошчы і зьбіцьцё Зьміцера Хведарука ды іншых дэмакратычных актывістаў.


Паводле кіраўніцы амэрыканскай дыпляматычнай місіі, Злучаныя Штаты маюць намер увесьці эканамічныя санкцыі супраць іншых беларускіх прадпрыемстваў акрамя “Белнафтахіму” ў выпадку, калі беларускія ўлады ня вызваляць палітвязьняў і не пачнуць дэмакратычныя рэформы.

Амбасадарка ЗША ў Беларусі Карэн Ст’юарт правяла прэсавую канфэрэнцыю адразу па прылёце з Вашынгтону, дзе на мінулым тыдні адбывалася сустрэча прадстаўнікоў беларускай апазыцыі з прэзыдэнтам і Дзяржасакратаром ЗША. І першая яе заява была рэакцыяй на зьбіцьцё Зьмітра Хведарука, Анатоля Лябедзькі, якія былі ў складзе беларускай дэлегацый, ды іншых актывістаў.



“Я мушу моцна асудзіць дзеяньні ўлады супраць мірных дэманстрантаў. Учора Зьміцер Хведарук быў жорстка зьбіты супрацоўнікамі міліцыі ў форме. Ён знаходзіцца ў шпіталі і мы працягнем спрабаваць сустрэцца зь ім сёньня. У панядзелак пасьля мірнай дэманстрацыі прадпрымальнікаў людзі ў цывільным арыштавалі 9 чалавек – Віктара Івашкевіча, Віктара Гарбачова, Віктара Крываля, Аляксей Кашкарова, Віктара Калея, Аляксандра Цацуру, Барыса Гарэцкага, Аляксандра Макаева і Крысьціну Шацікаву. Яны таксама зьбілі Анатоля Лябедзьку і затрымалі Вольгу Казуліну. Гэтыя жорсткія дзеяньні перакрэсьліваюць дасягнуты раней невялікі прагрэс, калі дэманстрацыі праходзілі мірна. І Дзярждэпартамэнт ЗША выказвае занепакоенасьць гэтым і мы спадзяемся, што гэтым людзям будзе аказаная мэдычная дапамога”, – заявіла амбасадарка ЗША.
  • 16x9 Image

    Ганна Соўсь

    Ганна Соўсь нарадзілася ў Менску. Скончыла факультэт журналістыкі БДУ. Працавала ў незалежнай газэце «Народная воля»(1997-2000). Ад 2000 году працуе на «Свабодзе». Кнігі на «Свабодзе» — «Дарога праз Курапаты» (аўтарка рэпартажаў), «Адзін дзень палітвязьня» (ідэя і ўкладальніца), «Адзін дзень палітвязьня. 2009-2011»(ідэя і ўкладальніца), «Жыцьцё пасьля раку» (аўтарка ідэі і каардынатарка праекту, рэдактарка). Аўтарка праекту «Расея і я», сэрыі інтэрвію з 12 экс-прэзыдэнтамі постсавецкіх кранаў. Сябра БАЖ.

XS
SM
MD
LG