Лінкі ўнівэрсальнага доступу

“Беларускі партызан”: Шэйман знаходзіцца ў Маскве


Радыё Свабода Як паведаміў сайт “Беларускі партызан”, сёньня кіраўнік адміністрацыі прэзыдэнта Беларусі Віктар Шэйман накіраваўся ў Маскву. Прэсавы сакратар кіраўніка дзяржавы Павал Лёгкі заявіў нашаму радыё, што ня можа пацьвердзіць, ці накіраваўся Шэйман у Маскву, бо ня ведае гэтага.

Паводле зьвестак сайту “Беларусі партызан” Віктар Шэйман вылецеў у расейскую сталіцу на рэйсавым самалёце і, мяркуецца, што ён правядзе перамовы ў адміністрацыі прэзыдэнта Расеі.

Імаверна, што візыт Шэймана адбываецца ў межах падрыхтоўкі сустрэчы Аляксандра Лукашэнкі і Ўладзімера Пуціна, якая заплянаваная на сярэдзіну студзеня. Нагадаем, што Віктар Шэйман стаў таксама кіраўніком ініцыятыўнай групы па зборы подпісаў за вылучэньне кандыдатам на прэзыдэнта Аляксандра Лукашэнкі на трэці тэрмін.
XS
SM
MD
LG