Лінкі ўнівэрсальнага доступу

У Сьветлагорску затрымалі ўдзельнікаў акцыі салідарнасьці “16”


Казімер Яноўскі, Гомель Сёньня а 19-й гадзіне ў Сьветлагорску каля гандлёвага цэнтру міліцыя спрабавала перапыніць акцыю салідарнасьці “Запалі сьвечку”. Прынамсі, пяцёра яе ўдзельнікаў былі затрыманы і дастаўлены ў міліцэйскі пастарунак.

Сярод затрыманых – старшыня раённай арганізацыі Таварыства беларускай мовы Тэльман Масьлюкоў, намесьнік кіраўніка раённай арганізацыі ПКБ Мікалай Міхалькевіч, а таксама трое маладых актывістаў – Андрэй Музычэнка, Вадзім Данільчанка і Руслан Лютарэвіч.

Як патлумачыў намесьнік начальніка міліцыі Пётр Зыкун, спадар Масьлюкоў абвінавачваецца ў распаўсюдзе друкаванай прадукцыі ад імя незарэгістраванай арганізацыі “Зубр”. Пасьля пісьмовых тлумачэньняў яго адпусьцілі.

Маладых актывістаў у пастарунку проста сфатаграфавалі і ўзялі адбіткі пальцаў.

Прадстаўнік ПКБ Мікалай Міхалькевіч да гэтага часу яшчэ знаходзіцца ў пастарунку. Яго абвінавачваюць у непадпарадкаваньні супрацоўнікам міліцыі.
XS
SM
MD
LG